Bakıdan qayıdan iki erməni hərbçini daşıyan Rusiya ordusuna məxsus təyyarə İrəvanın “Erebuni” hava limanına eniş edib.

Hit.az xəbər verir ki, bu barədə Ermənistan mətbuatı məlumat yayıb.

Azərbaycanın Qarabağ bölgəsində müvəqqəti yerləşdirilən Rusiya sülhməramlı qoşunlarının komandanı, general-leytenant Rüstəm Muradov onları Ermənistana qaytarmaq üçün Bakıya gəlmişdi.

İrəvana qaytarılan erməni hərbçilər Artur Nalbandyan və Aramais Torozyandır.

Ermənistan tərəfi onların iyulun 14-də Zəngəzur ərazisində saxlanıldığını bildirirdi.