Böyük Britaniyanın hakim Mühafizəkarlar Partiyasından Harpenden və Berkhamsted dairəsi üzrə yerli deputat olmuş Naysel Qardner 2000-ci illərdə Rusiyanın maraqları üçün lobbiçilik edib. 

HİT.az xəbər verir ki, bu barədə “Politico” yazır.

Nəşrin məlumatına görə, mühafizəkar 2006-cı ildə Rusiya hökuməti ilə, növbəti ildə isə “Qazprom”la müqavilə imzalayan “GPlus PR" agentliyini təsis edib.

Qardner bildirib ki, o, müvafiq müqavilələrin qəbul edilməsi qərarının o zaman düzgün olduğuna inanır. Onun sözlərinə görə, razılaşmalardan razı qalıb.

“Rusiyaya münasibət çox fərqli idi. Hamının Rusiya ilə iş görə biləcəyimizi düşündüyü vaxt idi”, deyə sabiq deputat bildirib.

O əlavə edib ki, ilkin qərara mətbuatın hər hansı mənfi reaksiyasını xatırlamır. Baxmayaraq ki, müqavilə irəlilədikcə onun firmasında artan narahatlıqlar olub. Qardner vurğulayıb ki, onun əvvəlki işləri Mühafizəkarlar Partiyasının namizəd seçimi toplantısında və ya təşviqat kampaniyasında hələ gündəmə gəlməyib.

"Politico" qeyd edir ki, Moskvanın maraqlarının keçmiş lobbiçisi Böyük Britaniyada keçiriləcək parlament seçkilərində Harpenden və Berkhamsted seçki dairəsi üzrə mühafizəkarların nümayəndəsi kimi namizədliyini irəli sürməyə hazırlaşır. Nəşr göstərir ki, Qardner Rusiya Federasiyası ilə işləməkdən əlavə, "Huawei"nin maraqlarını təşviq etmək üçün Çinlə də əməkdaşlıq edib. "Politico" vurğulayır ki, siyasətçi indi fikirlərini dəyişib, Pekinə daha sərt yanaşma tələb edir və Çin şirkətləri ilə istənilən müqavilələrə qarşı çıxır.

"Mən Çin və Rusiyadan, xüsusən də onların hər ikisindən gələn böyük təhlükədən ciddi narahatam", deyə mühafizəkar yekunlaşdırıb.

Samir