ABŞ polisi sahibinin salonunda qoyduğu "AirPods" sayəsində oğurlanmış 575 min dollar dəyərində "Ferrari 2023" avtomobilini aşkar edib.

HİT.az xəbər verir ki, bu barədə “Apple Insider” portalı məlumat yayıb.

Polis qulaqcıqları yanacaqdoldurma məntəqəsinə qədər izləyib. Şübhəli qaçmağa müvəffəq olsa da, onun şəxsiyyəti digər itirilmiş cihaz - avtomobildən qaçarkən yerə atdığı şəxsi "iPhone"u tərəfindən tez bir zamanda müəyyən edilib. Oğrunun Uoterberidən olan 22 yaşlı Dion Şontten olduğu müəyyən edilib, o, həbs edilib və avtomobil oğurluğunda ittiham olunub.

Onun şəriki 19 yaşlı Keion Vebster də həbs edilib. İstintaq müəyyən edib ki, hər iki şübhəli oğurlanmış avtomobili növbə ilə idarə ediblər. Uoterberi polis rəisi Fernando Spagnuolo qeyd edib ki, Vebster artıq avtomobil oğurluğu və digər cinayətlərlə bağlı yeddi ittihama malikdir.

Qeyd olunur ki, avtomobil sahibinin salonda qoyduğu qulaqlıqlar avtomobil oğrunun "iPhone"unun olması sayəsində onların dəqiq geolokasiyasını "Locator" tətbiqinə göndərməyə kömək edib və bu, "Ferrari"nin izinə düşməyə kömək edib.

Samir