Çin hökuməti hesab edir ki, Fransa Çin və Avropa İttifaqı arasında ticarət-iqtisadi əlaqələrin inkişafında konstruktiv rol oynamağa qadirdir.

HİT.az xəbər verir ki, Xin Xarici İşlər Nazirliyinə istinadən xəbər verir ki, bunu XİN rəhbəri Van I Fransa prezidentinin xarici siyasət məsələləri üzrə müşaviri Emmanuel Bonn ilə telefon danışığı zamanı bildirib. 

"Pekin ümid edir ki, Fransa Çin-Avropa ticarət və iqtisadi əlaqələrinə müsbət və açıq münasibət bəsləyəcək, Aİ-nin Çin ilə qarşılıqlı fəaliyyətini təşviq edəcək və iki tərəf arasında məsləhətləşmələr və danışıqlarda konstruktiv rol oynayacaq", deyə Vanq I bildirib.

Onun sözlərinə görə, Çin və Avropa arasında harmonik əməkdaşlıq onların qarşılıqlı maraqlarına uyğundur, buna görə də Pekin və Brüssel arasında ticarət müharibəsi riskinin qarşısını almaq üçün dialoq gücləndirilməli və sürtünmə aradan qaldırılmalıdır.

"Mən inanıram ki, Çin və Fransa müəyyən sahələrdəki fikir ayrılıqlarını aradan qaldırmaq, əməkdaşlığı inkişaf etdirmək və dialoqu saxlamaq və ikitərəfli münasibətlərdə müsbət dinamika naminə səmərəli qarşılıqlı fəaliyyət göstərmək üçün kifayət qədər siyasi müdrikliyə malikdirlər", deyə Vanq I əlavə edib.

Bonn da öz növbəsində Aİ və Çin arasında son iqtisadi və ticarət əlaqələri ilə bağlı Fransanın baxışları və narahatlıqları barədə ətraflı danışıb:

"Avropa strateji müstəqilliyə sadiqdir və ədalətli biznes mühiti yaratmağa çalışır. Aİ Çin şirkətlərini və məhsullarını Avropa bazarından kənarlaşdırmaq niyyətində deyil və mübahisəli məsələləri məsləhətləşmələr yolu ilə həll etməyə ümid edir".

Samir