NATO alyansda istehsal edilən silahların sayına dair hədəfləri yeniləməyi planlaşdırır ki, bu da bloka üzv ölkələrin hər birinin hərbi xərclərinin ÜDM-in 3%-nə qədər artırılmasını tələb edə bilər. 

HİT.az xəbər verir ki, bu barədə "Bloomberg" rəsmilərə istinadən məlumat yayıb.

Danışıqlar özəl xarakter daşıdığı üçün adının çəkilməsini istəməyən rəsmilərin sözlərinə görə, plan hökumətləri daha yüksək qabiliyyət tələblərinə, o cümlədən döyüş sursatlarına cavab verməyə çağırır.

Agentlik iddia edir ki, NATO ölkələri Rusiya prezidenti Vladimir Putinin Avropaya güman edilən təhdidinə qarşı çıxmaq üçün xərcləri artırmağı öhdəsinə götürüb.

Bundan əlavə, mənbələr bildirirlər ki, NATO üzvlərini müdafiə məsuliyyətlərinin daha böyük hissəsini öz üzərinə götürməyə sövq edən ABŞ-ın yeni prezidenti Donald Trampın tələbləri də rol oynayıb.

Adı açıqlanmayan rəsmilər "Bloomberg"ə bildiriblər ki, məqsəd iyunda Haaqada keçiriləcək liderlərin sammitində NATO xarici işlər və müdafiə nazirləri arasında məqsədləri razılaşdırmaq olsa da, bu müddətə nail olmaq çətin ola bilər.

Noyabrın 19-da NATO-nun baş katibi Mark Rutte bildirib ki, alyans ölkələri ümumi daxili məhsulun 2%-dən çoxunu müdafiəyə xərcləməlidirlər. Bir gün əvvəl o, Rusiyanın guya raket və pilotsuz təyyarələrlə NATO hava məkanını dəfələrlə pozduğunu bildirib.

Samir