Çinli hakerlər ABŞ-ın Xarici İnvestisiyalar üzrə Komitəsinin məlumat bazasından məlumatları oğurlayıblar. 

HİT.az xəbər verir ki, bu barədə CNN telekanalı hökumətdəki üç mənbəyə istinadən məlumat yayıb.

Məqalədə deyilir: "Məxfi məlumatların əldə edildiyinə dair heç bir sübut olmasa da, məxfi olmayan məlumatların bir araya toplandığı təqdirdə çinlilərə faydalı kəşfiyyat məlumatı verə biləcəyi ilə bağlı narahatlıqlar var".

ABŞ Maliyyə Nazirliyinin sisteminə haker hücumunun daha geniş yayıla biləcəyi iddia edilir. Eyni zamanda, Çin səfirliyi insidentlə bağlı hər hansı bir əlaqəni inkar edir və bununla bağlı heç bir sübut olmadığını xatırladır.

Dekabr ayında Xarici İnvestisiyalar Komitəsinə ABŞ hərbi bazaları yaxınlığındakı mülkləri yoxlamaq səlahiyyəti verilib. Ehtimal olunur ki, Çinlə əlaqəsi olan şəxslər Amerika hədəflərində casusluq etmək üçün torpaq alırlar.

Noyabrın sonunda CNN xəbər verib ki, Amerika Birləşmiş Ştatları çinli hakerlərin Amerika telekommunikasiya şirkətlərinin şəbəkələrini sındıraraq Vaşinqtonda yüz yarıma yaxın siyasətçinin zənglərini izləyə bildiyinə inanır.

Samir