"Hər şey daxil" sistemi ilə istirahət edən turistlər üçün açıq bufet zəngin yemək seçimi, təzə bişmiş məhsullar, yerli delikateslər və məhdudiyyətsiz qidalanma imkanı ilə cəlbedici görünür. Lakin dietoloqlar xəbərdarlıq edirlər ki, bufetdə təqdim olunan bütün səhər yeməkləri sağlam seçim hesab edilmir.

HİT.az xəbər verir ki, "Rynekzdrowia.pl" portalının məlumatına görə, klinik dietoloq Roksana Şroda səhər yeməyi zamanı bəzi məhsullardan uzaq durmağı tövsiyə edir.

Mütəxəssis aşağıdakı qidaları məsləhət görmür:

* Avtomatlardan təqdim olunan içkilər və şirələr – onlar adətən çox durulaşdırılmış olur, tərkibində isə əsasən şəkər və yüksək fruktozalı qarğıdalı siropu olur.
* Hot-doqlar və mini sosislər – zülal baxımından kasıb, duz və fosfatların miqdarı isə yüksəkdir.
* Su hamamında hazırlanmış qarışıq yumurta – bəzi hallarda yumurta tozundan hazırlandığı üçün qida dəyəri aşağı ola bilər.
* Şirin sıyıqlar və müsli – yüksək qlisemik indeksə malikdir, müxtəlif əlavələr və rəngləndiricilər ehtiva edə bilər, nəticədə aclıq hissi daha tez yaranır.
* Şirin xəmir məmulatları – səhərdən sonra enerjinin sürətlə azalmasına səbəb ola bilər.

Diyetoloq vurğulayır ki, bu, sağlam səhər yeməyinin mümkün olmadığı anlamına gəlmir. Sadəcə, düzgün seçim etmək lazımdır.

"Demək olar ki, hər hotel restoranında sağlam səhər yeməyi üçün uyğun məhsullar da təqdim olunur", deyə Roksana Şroda bildirib.

Onun tövsiyə etdiyi seçimlər bunlardır:

* Tam taxıllı və ya çovdar çörəyi – lif və kompleks karbohidratlarla zəngindir.
* Qaynadılmış və ya tavada bişirilmiş yumurta – uzun müddət toxluq hissi yaradır.
* Pendir və yerli ət məhsulları.
* Təzə tərəvəz və meyvələr.

Samir