2026-cı il üzrə astroloji proqnoza görə, iki bürc üçün son iki ildə yaşanan çətinliklər tədricən geridə qalacaq. 

HİT.az xəbər verir ki, astroloq Emi Demurun fikrincə, 2024-cü ildən başlayan sınaqlar, gecikmələr və uğursuzluqlar dövrü artıq başa çatır.

Astroloqların fikrincə, Ay düyünlərinin yeni bürclərə keçməsi bu dəyişiklikdə əsas amillərdən biridir. Son iki ildə həmin bürclərin nümayəndələri ciddi dəyişikliklərlə üzləşib, planlarının tez-tez yarımçıq qaldığını və vəziyyəti dəyişməyin çətin olduğunu hiss ediblər. İndi isə onların həyatında daha çox rahatlıq, yeni imkanlar və nəzarət hissinin yaranacağı iddia olunur.

Qız

Qız bürcü üçün çətin dövr 2024-cü ildə Cənub düyününün bu bürcdə yerləşməsi ilə başlayıb. Astroloqların şərhinə görə, bu mərhələ Qızları özlərini, qərarlarını və həyat tərzlərini yenidən nəzərdən keçirməyə məcbur edib.

Bir çox hadisə onlar üçün xüsusilə ağır görünə bilərdi. Nə etmələrindən asılı olmayaraq istədikləri nəticəni əldə edə bilmədiklərini düşünə bilərdilər.

Astroloq Emi Demurun fikrincə, Ay düyünlərinin əvvəlki mövqelərindən çıxması ilə bu gərgin mərhələ sona çatır. Cənub düyününün Şir bürcünə keçməsi Qızlar üzərindəki təzyiqin tədricən azalacağı anlamına gəlir.

Dəyişikliklər həm karyeraya, həm də şəxsi münasibətlərə təsir edə bilər. Əvvəllər Qızların səylərini qiymətləndirməyən insanlar onların əsl potensialını görə bilərlər.

Bu səbəbdən Qız bürcünün nümayəndələrinə keçmiş incikliklərə deyil, qarşılarına çıxan yeni imkanlara diqqət yetirmək və özlərinə daha çox inanmaq tövsiyə olunur.

Balıqlar

Balıqlar üçün də son iki il asan keçməyib. Karyera, münasibətlər və digər mühüm sahələrdə eyni vaxtda problemlər yarana bilərdi. Bəzən atılan hər bir addımın ardınca yeni maneənin ortaya çıxdığı hissi yaranıb.

Emi Demurun fikrincə, Balıqlar özlərini çıxılmaz vəziyyətdə və hadisələri dəyişmək iqtidarında olmayan kimi hiss etmiş ola bilərlər.

Astroloq bu mərhələni Balıqlarda Şimal düyününün yerləşməsi ilə əlaqələndirir. Onun fikrincə, bu dövr bürcün nümayəndələrini daxili inkişaf etməyə, təvazökarlığa və öz istəklərini daha dərindən anlamağa yönəldib.

İndi isə bu mərhələnin başa çatdığı və uğurun daha asan gəlməyə başlayacağı iddia olunur. Dəyişikliklərin həm peşəkar, həm də şəxsi həyata təsir göstərəcəyi gözlənilir.

Balıqlar artıq onlara uyğun olmayan insanları, münasibətləri və vəziyyətləri bütün gücləri ilə qorumağa çalışmamalıdırlar. Astroloqların fikrincə, yeni imkanlara yer açmaq və dəyişikliklərə imkan vermək qarşıdakı dövrün əsas mövzularından biri olacaq.

Bundan əlavə, Saturnun Balıqlar bürcündən Qoç bürcünə keçməsi də mühüm astroloji dəyişiklik kimi qiymətləndirilir. Astroloji yanaşmaya görə, məhdudiyyət və sınaqlarla əlaqələndirilən bu planetin bürcdən çıxması Balıqların üzərindəki ağırlıq hissini azalda bilər.

Nəticədə, Qız və Balıqlar üçün yeni mərhələnin əsas mesajı keçmişi geridə qoymaq, artıq fayda verməyən əlaqələrdən və vəziyyətlərdən uzaqlaşmaq və yeni imkanlara açıq olmaqdır.

Samir