Sözlərimiz yalnız başqaları ilə ünsiyyətimizə deyil, özümüzü və ətrafımızdakı dünyanı necə qəbul etdiyimizə də təsir edir. Adi ifadələrdə edilən kiçik dəyişikliklər belə çətinliklərə və öz imkanlarımıza fərqli nəzər salmağa kömək edə bilər.

HİT.az xəbər verir ki, bu barədə "Femina" yazıb.

Britaniyalı müəllif və həyat tərzi üzrə mentor Roksi Nafusi bildirir ki, şüuraltı zehnimiz şüurlu düşüncələrimizə reaksiya verir. Buna görə də qorxu, şübhə və özünə inamsızlıqla bağlı ifadələrin davamlı təkrarlanması mənfi düşüncə modellərini möhkəmləndirə bilər. Bu barədə “Femina” yazır.

Bunun əvəzinə o, daha dəstəkləyici ifadələrdən istifadə etməyi təklif edir.

1. “Mən bunu edə bilmərəm” əvəzinə – “Mən istədiyim hər şeyi edə bilərəm”

Birinci ifadə diqqəti məhdudiyyətlərə yönəldir, ikinci isə hərəkət etmək və istənilən nəticəyə nail olmaq imkanına köklənməyə kömək edir.

2. “Məndə heç vaxt alınmayacaq” əvəzinə – “Əlimdən gələni edəcəyəm və bu kifayətdir”

Mütləq müəyyən nəticəyə nail olmaq zərurəti daxili təzyiqi artıra bilər. Bunun əvəzinə bu ifadə insana öz səylərinin vacib olduğunu xatırladır.

3. “Necə edəcəyimi bilmirəm” əvəzinə – “Öyrənmək üçün kömək istəyə bilərəm”

Cavabın olmaması mütləq tapşırığın yerinə yetirilməsinin mümkünsüz olduğu anlamına gəlmir. Kömək üçün müraciət etmək və lazımi bilikləri əldə etmək olar.

4. “Bu, işləməyəcək” əvəzinə – “Hər şey olması lazım olduğu kimi işləyəcək”

Mənfi gözləntini daha pozitiv ifadə ilə əvəz etmək insanın vəziyyətə və mümkün nəticəyə baxışını dəyişə bilər.

5. “Uğursuzluqdan qorxuram” əvəzinə – “Sınamaq fürsətini səbirsizliklə gözləyirəm”

Bu halda diqqət mümkün uğursuzluq qorxusundan yeni bir şeyi sınamaq imkanına yönəldilir.

Müəllif insanlara özləri ilə necə danışdıqlarına şüurlu şəkildə diqqət yetirməyi tövsiyə edir. Onun yanaşmasına görə, adi mənfi ifadələrə yenidən nəzər salmaq insanın özünü daha yaxşı anlamasına və öz hərəkətlərinə qarşı daha dəstəkləyici münasibət formalaşdırmasına kömək edən üsullardan biri ola bilər.

Samir