Astroloji proqnozlara görə, Plutonun Dolça bürcündə retrograd hərəkətini başa vuraraq düz hərəkətə keçməsi dörd bürcün həyatında müsbət dəyişikliklərə yol aça bilər. Bu dövrdə Buğa, Şir, Əqrəb və Dolça bürclərinin nümayəndələrinin qarşılaşdıqları çətinlikləri geridə qoyaraq yeni qərarlar vermək üçün daha əlverişli imkanlar əldə edəcəkləri iddia olunur.

HİT.az xəbər verir ki, bu barədə “Parade” jurnalı yazıb.

Buğa

Son aylarda Buğa bürcündən olanlar maliyyə vəziyyəti, sabitlik və şəxsi öhdəliklərlə bağlı məsələləri yenidən nəzərdən keçirmiş ola bilərlər. Astroloji şərhə görə, indi köhnə vərdişlərdən uzaqlaşmaq və uzun müddətdir düşünülən qərarları həyata keçirmək üçün münasib vaxtdır. Dəyişikliklərə açıq olmaq onlara resurslarını daha düzgün idarə etməyə və mövqelərini möhkəmləndirməyə kömək edə bilər.

Şir

Şirlər üçün son dövr münasibətlərdə gərginlik və anlaşılmazlıqlarla yadda qala bilər. Partnyorlar, həmkarlar və dostlarla ünsiyyətdə şəxsi sərhədlər və qarşılıqlı hörmət məsələləri ön plana çıxa bilər. Proqnoza əsasən, qarşıdakı mərhələdə vəziyyətin tədricən yaxşılaşması, vacib söhbətlərin aparılması və səylərin daha çox qiymətləndirilməsi mümkündür. Bu bürcün nümayəndələrinə istəklərini açıq ifadə etmək tövsiyə olunur.

Əqrəb

Əqrəblər üçün retrograd dövrün daxili düşüncələr və keçmiş problemlərlə üzləşmək mərhələsi olduğu bildirilir. Etimadla bağlı suallar və yarımçıq qalmış məsələlər yenidən gündəmə gələ bilər. Astroloji yozuma görə, indi əvvəlki təcrübələrdən nəticə çıxarmaq, qərarları dəqiqləşdirmək və şəxsi məqsədlərə daha inamla yönəlmək mümkün olacaq.

Dolça

Plutonun məhz Dolça bürcündə olması bu bürcün nümayəndələri üçün xüsusi əhəmiyyət daşıyır. Son aylarda onlar həyat məqsədləri, şəxsi seçimləri və müstəqillikləri barədə daha çox düşünmüş ola bilərlər. İndi isə nəzəri qərarları konkret addımlara çevirmək vaxtının gəldiyi vurğulanır. Yeni layihələr, fərqli insanlarla tanışlıq və özünü daha sərbəst ifadə etmək imkanları gündəmə gələ bilər.

Qeyd edək ki, astrologiya elmi cəhətdən təsdiqlənmiş proqnoz metodu deyil. Bürclərlə bağlı şərhlər əyləncə xarakteri daşıyır və gələcək hadisələrin etibarlı göstəricisi hesab olunmamalıdır.

Samir