"Karantin rejiminin xeyli sualı cavabsız qoyan, müraciət edənə cavab verməyən, ya da "araşdırırıq, cavab verəcəyik" deyib, sonra heç vaxt araşdırması bitməyən qurumları oldu. AZAL böyük qüvvə sərf edərək, hələ ki birinciliyi özündə saxlayır". 

Hit.Az xəbər verir ki, bu sözləri "APA-Holding" MMC-nin prezidenti Vüsalə Mahirqızı özünün facebook hesabında yazıb.

Onun sözlərinə görə, pandemiyadan əvvəl AZAL-dan alınıb, sonra vətəndaşın özündən asılı olmayan səbəbdən (yəni karantin elan olunub, sərhədlər bağlandığı üçün) uçuş həyata keçirilməyən biletləri dəyişmək olmur:

"Bu artıq adi hala çevrilib. Müştəri xidmətləri, AZAL rəsmiləri, sayt, telefon arasında danışmaqdan, yazmaqdan, izah etməkdən yorulursan, "araşdırırıq" deyirlər, "araşdırma bitmir". Çünki araşdırmırlar, guya bunlar indi böhran kommunikasiyası edib, müştərini ümidləndirib, vaxt uzadırlar. Sonra da ümumiyyətlə müştəri ilə əlaqəni kəsirlər) Dünyada belə şirkət analoqu yoxdu, şirkət müştərinin arxasınca qaçmaqdan, müştəridən qaçır. Bu biznesdə AZAL modelidi.

Ən yaxşı kommunikasiya məsələni həll edib, bileti dəyişməkdir. Onsuz da xidmətindən dəfələrlə baha qiymətə bilet satan, əvvəldən müştəri məmnuniyyəti pis gündə olan şirkətə heç kim biletini bağışlamayacaq. Hələ pandemiya dövründəki anlamsız qiymət artımından danışmıram. Camaatın biletini dəyişin, gedib işini-gücünü görsün".