"Apple" Leonardo Di Kaprionun rol aldığı filmə prodüserlik edəcək: məbləğ açıqlandı

MƏDƏNİYYƏT
21:15 / 04.08.2020
1259

Leonardo di Kaprio və ona məxsus "Appian Way" studiyası "Apple" şirkəti ilə eksklüziv müqavilə imzalayıb.

HİT.Az-ın məlumatına görə, müqaviləyə əsasən tərəflər birgə film və televiziya layihələri hazırlayacaqlar.

Bildirilir ki, daha əvvəl bənzər müqavilələr di Kaprio tərəfindən "Warner Bros" və "Paramount Pictures" şirkətləri ilə imzalanıb, lakin bu müqavilələrdə televiziya kontentləri barədə danışılmayıb.

"Apple" artıq "Appian Way" studiyası ilə Devid Qranın eyniadlı əsəri əsasında "Ay gülünün qatili" filminin çəkilişlərinə 200 milyon dollar investisiya etməyə hazır olduğunu bildirib. Dramanın rejissoru Martin Skorseze seçilib. Şimali Amerikada filmi "Apple TV+" servisi, beynəlxalq arenada isə "Paramount" təqdim edəcək.

0