Kult amerikalı musiqiçilər Cim Steinman və Meat Loaf tərəfindən ifa olunan 1978-ci il “Bat Out of Hell” mahnısı rok tarixinin ən tanınmış əsərlərindən biri sayılır. 

HİT.az xəbər verir ki, təxminən 10 dəqiqə davam edən bu kompozisiya əvvəlcə çartlarda böyük uğur qazana bilməsə də, zamanla klassik statusu əldə edib.

Mahnı haqqında nə bilinir

Qeyd olunur ki, “Bat Out of Hell” 1977-ci ildə eyniadlı albomda yer alıb, 1978-ci ildə isə ikinci sinql kimi buraxılıb. Əsər özündə teatrallıq və rok-n-roll elementlərini birləşdirən qeyri-adi quruluşu ilə seçilir. Cim Steinman kompozisiyanı yaradarkən klassik nağıllardan və teatr səhnələrindən ilham aldığını bildirib və əsəri “elmi fantastika və rok-n-rollun birləşməsi” kimi təsvir edib.

O, həmçinin yeniyetmə faciələri və dramatik hadisələrdən, xüsusilə yol qəzaları mövzusundan təsirləndiyini vurğulayıb.

“Bu mahnının əsas ideyası operavari bir süjet yaratmaq idi – yeniyetmə dünyasına uyğun dramatik və faciəvi bir hadisə,” deyə Steinman bildirib.

Uğursuz başlanğıc, əfsanəvi davam

Musiqi tənqidçiləri mahnını “heavy metal gurultusu” kimi təsvir etsələr də, o, “Billboard Hot 100” siyahısında yalnız 96-cı yerə qədər yüksələ bilib. Buna baxmayaraq, əsər özünəməxsus üslubu ilə diqqət çəkərək sonradan böyük populyarlıq qazanıb.

Meat Loaf daha sonra bildirib ki, mahnının bəzi səhnələri Alfred Hitchcock-un “Psycho” filmindən ilhamlanıb.

Zamanla “Bat Out of Hell” arena rokunun klassik nümunəsi, yol musiqisi və rok himni kimi tanınıb və musiqi tarixində xüsusi yer tutub.

Samir