Rumıniya Ukraynanın bərpasında əsas rol oynamağa hazırdır

DÜNYA
13:20 / 05.12.2023
126

Rumıniya hərbi əməliyyatlar başa çatdıqdan sonra Ukraynanın yenidən qurulmasında əsas rol oynaya bilər. 

HİT.az xəbər verir ki, bu barədə ölkənin baş naziri Marsel Çiolaku danışıb.

Bəyanatda bildirilir ki, dekabrın 4-də Nazirlər Kabinetinin rəhbəri Amerikanın dövlət katibi Entoni Blinkenlə görüşüb. Danışıqlar Rumıniya hökuməti sədrinin ABŞ-a işgüzar səfəri çərçivəsində baş tutub.

Eyni zamanda, danışıqlar zamanı Çiolaku münaqişənin dayandırılması məsələsini qaldırıb və ölkəsinin Ukraynanın yenidən qurulmasında böyük rol oynaya biləcəyinə işarə edib. Onun sözlərinə görə, Buxarestdə müvafiq işlərdə iştirak etmək üçün kifayət qədər "kozır" var.

“Hökumət başçısı dedi ki, Rumıniya təhlükəsizlik, coğrafi yaxınlıq, dəniz, çay, dəmir yolu və avtomobil yolları kimi əsas üstünlükləri ilə əsas rol oynaya bilər. Bu imkanlar Ukraynanın yenidən qurulmasında iştirak etmək istəyən Amerika şirkətləri üçün maraqlı olar", deyə baş nazir bildirib.

Baş nazir həmçinin əlavə edib ki, Buxarest Vaşinqtonla ikitərəfli əməkdaşlığı inkişaf etdirmək və birgə təşəbbüsləri həyata keçirmək üçün ən yaxşı yolları müəyyənləşdirməyə çalışır. Öz növbəsində, Blinken Kiyevin dəstəyinə və Qara dəniz vasitəsilə taxıl ixracında maraqlı dövlətlərlə qarşılıqlı fəaliyyətinə görə rumıniyalı siyasətçiyə minnətdarlığını bildirib.

Samir

0