Keçmiş prezident hazırkı dövlət başçısını hakimiyyətdən uzaqlaşdıracağına söz verdi

DÜNYA
20:44 / 05.12.2023
155

Moldovanın keçmiş prezidenti, sosialist İqor Dodon bildirib ki, yerli seçkilərin nəticələrindən sonra müxalifətdə olan Sosialist Partiyası regionlarda hakim Fəaliyyət və Həmrəylik Partiyası (PAS) ilə ittifaqa girməkdən imtina edib, lakin bir sıra sahələrdə birgə səsvermə haqqında razılaşmalar var. 

HİT.az xəbər verir ki, o, bu vəziyyətin siyasi qüvvələr tərəfindən təhlil edilərək həll olunacağını deyib.

"Bunların milli səviyyədə bir növ siyasi koalisiya və razılaşmalar olduğunu söyləməyə ehtiyac yoxdur. Bizim prioritetimiz Moldova prezidenti Maya Sandu və PAS-ı hakimiyyətdən uzaqlaşdırmaqdır və biz buna nail olacağıq. İstisna etmirəm ki, bu, yaxın gələcəkdə digər partiyalarla birlikdə yerlərdə baş verəcək", deyə Dodon bildirib.

O əlavə edib ki, sosialistlər öz gündəmlərindən əl çəkməyəcəklər. Dodon hakim komandanın getməsinin partiya üçün əsas məsələ olduğunu vurğulayıb.

Samir

0