Ucuz antibiotik malyariyanın kökünü kəsə bilər

DÜNYA
23:40 / 28.02.2024
224

Burnet İnstitutunun avstraliyalı alimləri malyariya xəstəliyinin törədiciləri - ağcaqanadların daşıdığı birhüceyrəli parazit Plasmodium ilə mübarizənin yeni üsulunu tapıblar. Dəri infeksiyalarını müalicə etmək üçün istifadə edilən ucuz və geniş yayılmış antibiotik bacitracin onlara qarşı təsirlidir. 

HİT.az xəbər verir ki, tədqiqat elmi qurumun rəsmi saytında dərc olunub.

Ümumdünya Səhiyyə Təşkilatının məlumatına görə, bu gün dünyada hər dəqiqə 400-dən çox insan malyariyaya yoluxur. Xəstəlik ilk simptomlarda diaqnoz qoyulmaz və müalicə olunmazsa, ölümcül ola bilər.

Elmi komanda müəyyən edib ki, batriasin Plasmodiumun mayalanma prosesində mühüm rol oynayan trans-protein disulfid izomerazalarını (PDI-Trans) effektiv şəkildə bloklayır. Antibiotik parazitlərin çoxalması prosesini dayandıraraq malyariyaya yoluxma riskini əhəmiyyətli dərəcədə azaldır.

"Biz Plasmodium parazitinə xas olan kiçik molekullu PDI inhibitorlarının yaradılması istiqamətində araşdırmaları davam etdiririk və bu molekulların Burkina Faso və Papua Yeni Qvineyadan parazitlərin böyüməsini və ötürülməsini dayandırmaqda nə qədər təsirli olduğunu müəyyən etmək əsas sağlamlıq problemi olaraq qalır", deyə tədqiqat müəllifi Dr. Fiona Angrisano bildirib.

Samir

0