ABŞ Konqresindəki Respublikaçılar Partiyasının xarici siyasət və milli təhlükəsizlik məsələləri ilə bağlı üzvləri Donald Trampın beynəlxalq aləmdə baş verən hadisələrə münasibətindən narahatdırlar. 

HİT.az xəbər verir ki, bu barədə "The Hill" yazır.

Xüsusilə, söhbət respublikaçılarla Tramp arasında Ukrayna münaqişəsi, NATO ilə qarşılıqlı fəaliyyət və Tayvana yardımla bağlı fikir ayrılığından gedir.

Qəzetin həmsöhbətləri aydınlaşdırıblar ki, son vaxtlar ABŞ prezidentliyinə namizədin hərəkətləri respublikaçı senatorlar arasında çaşqınlıq və narahatlıq yaradıb. Belə ki, onlar Trampın Vaşinqtonda NATO sammitindən sonra Macarıstanın baş naziri Viktor Orbanla görüşünü onun Vladimir Putinlə təmasları və guya NATO-nun Ukraynaya dəstəyini sarsıtmaq cəhdləri səbəbindən narahatedici hadisə kimi qiymətləndiriblər.

Bundan əvvəl Trampın Ukraynadakı münaqişəyə sülh yolu ilə son qoymaq üçün ətraflı plan hazırladığı bildirilirdi. Eyni zamanda siyasətçi ABŞ prezident seçkilərinə qədər bunu ictimaiyyətə açıqlamayacağını bildirib. Ağ Evin keçmiş rəhbərinin sözlərinə görə, seçkilərdən sonra o, Rusiya lideri Vladimir Putinlə vasitəçi olmadan şəxsən danışıqlar aparmağa hazır olacaq.

Samir