"Hizbullah"ın yeni lideri Haşim Səfiəddin İsrailə mübarizə apara bilməyəcək".

HİT.az xəbər verir ki, bunu politoloq, Yaxın Şərq və Qafqaz ölkələrinin problemləri üzrə ekspert Stanislav Tarasov deyib. 

Lenta.ru ilə söhbətində o, yeni baş katibin rəhbərliyi altında hərəkatın gələcəyindən danışıb.

"HƏMAS və "Hizbullah" rəhbərliyinin seçdiyi taktikaların yanlış olduğuna dair güclü təəssürat var. Bu təşkilatın rəhbərləri çox gözəl başa düşürlər ki, namizədliyi irəli sürülmüş liderlər xarizmatik deyil və onlar məhvə məhkumdurlar. Yeri gəlmişkən, öldürülən Həsən Nəsrullah həm mənəvi, həm də hərbi işlərdə çox ciddi təcrübəyə malik idi", deyə şərqşünas bildirib.

"Onlar indi qeyri-müəyyən vəziyyətdədir. "Hizbullah"da yeni sima peyda olur, bəs İsraillə mübarizə apara biləcəkmi? Düzünü desəm, buna həqiqətən şübhə edirəm", deyə ekspert əlavə edib.

Sentyabrın 29-da Haşim Səfiəddin "Hizbullah" şiə hərəkatının yeni baş katibi seçilib. O, əvvəllər Livan partiyasının icraiyyə komitəsinin rəhbəri vəzifəsində çalışıb.

Sentyabrın 28-də İsrail Müdafiə Qüvvələri (IDF) Beyruta raket hücumu zamanı Həsən Nəsrullahın öldüyünü elan edib. Daha sonra "Hizbullah" məlumatı təsdiqləyib. Bəyanatda deyilir: "Hizbullah"ın baş katibi Seyid Həsən Nəsrullah otuz ildən artıqdır ki, rəhbərlik etdiyi şəhidlərə qoşulub".

Samir