Gürzələr Şimal qütb dairəsindən kənarda yaşayan yeganə ilanlardır. Onlara Skandinaviya ölkələrində və Rusiyanın şimal bölgələrində rast gəlinir. 

HİT.az xəbər verir ki, bu barədə "Discover Wildlife" nəşri yazır.

Məqalədə qeyd olunur ki, bu ilanlar soyuqqanlı və istiqanlı canlılar arasındakı ənənəvi sərhədləri digər ilanlardan daha çox pozan xüsusiyyətlərə malikdir.

Onların sərt iqlimə uyğunlaşmasının ən diqqətçəkən nümunələrindən biri erkən yaz aylarında müşahidə olunur. Günəş altında isinərkən gürzələr qabırğalarını sanki genişləndirərək bədənlərini yastılaşdırırlar. Beləliklə, günəş şüaları ilə təmas səthini artırır və bədənlərini daha səmərəli şəkildə qızdırırlar. Bu, onları sanki sürünənlər üçün təbii günəş panellərinə çevirir.

Şimal bölgələrində yaşayan gürzələrin çoxalmaq üsulu da onların sağ qalmasına kömək edir. Bir çox ilan yumurtalarını kompost yığınları kimi isti mühitlərdə qoyduğu halda, gürzələr inkişaf etməkdə olan embrionları bədənlərində daşıyır və canlı balalar dünyaya gətirirlər.

Bu üsul balaları kəskin aşağı temperaturdan qoruyur. Açıq havada qoyulan yumurtaların belə şəraitdə yaşamaq şansı çox az olardı. Yaz aylarında şimal bölgələrində xırda məməlilərin sayı artır. Gürzə zəhərli dişləri ilə uğurlu ov etdikdən sonra həftələrlə, hətta aylarla qidasız qala bilir və gec yaz şaxtalarını rahatlıqla keçirə bilir.

Maraqlıdır ki, gürzələr yalnız ən şimal enliklərində yaşayan ilanlar deyil, həm də dünyanın ən yüksək dağlıq ərazilərində rast gəlinən ilanları hesab olunur. Onlara dəniz səviyyəsindən 2500 metr yüksəklikdə də rast gəlinir.

Samir