Yaradıcı insanlar tək qalanda darıxmırlar - Alimlər

13:18 / 13.07.2023
312

Arizona Universitetinin (ABŞ) alimləri müəyyən ediblər ki, yaradıcı insanlar boş vaxtlarını daha çox zehinlərini araşdırmaq və hər cür ideyalar üzərində düşünmək üçün istifadə edirlər. 

HİT.az xəbər verir ki, araşdırmabnın nəticələri "Creativity Research" jurnalında dərc olunub.

İnsanların şüurunu araşdıran əksər tədqiqatlarda müəlliflər iştirakçıları müəyyən şeylər haqqında düşünməyə və ya artıq könüllülərin ağlına gələn fikirləri bildirməyə təşviq edirlər. Lakin hazırkı işin müəlliflərinin fikrincə, bu, elmi tədqiqatların nəticələrini əhəmiyyətli dərəcədə məhdudlaşdırır və yaradıcı insanların necə düşündüyü sualına cavab vermir.

Bu işdə tədqiqatçılar iştirakçılardan rəqəmsal cihazlara giriş olmadan 10 dəqiqə tək qalmağı xahiş ediblər. “İzolyasiya” zamanı onlar divergent düşüncə testi keçiriblər. Real vaxt rejimində könüllülər “100 rezinlə necə pul qazanmaq olar” sualına ən qeyri-standart şəkildə ucadan cavab verməli olublar.

Tədqiqatın aparıcı müəllifi və Arizona Universitetinin psixologiya fakültəsinin aspirantı Quentin Raffaeli deyib: “Biz yaradıcı insanların zehnində nələrin baş verdiyini bilmək istədik, xüsusən də onların düşüncələrini məhdudlaşdıran heç bir şey olmayan vəziyyətlərdə”.

Alimlər könüllülərin cavablarını təhlil edərək müəyyən ediblər ki, daha çox yaradıcı insanlar sərbəst fikir axınına malikdirlər və onlar tək qalanda darıxmırlar. Müəlliflər pandemiya zamanı yaradıcılıqla bağlı iştirakçıların 2 mindən çox cavabının meta-analizini apardıqları əlavə təcrübə keçiriblər. Nəticələr yaradıcı insanların özünü təcrid zamanı daha az darıxdığı nəzəriyyəsini dəstəkləyib.

“Biz getdikcə çox işlədikcə və rəqəmsal cihazlarımıza aludə olduqca, düşünürəm ki, sadəcə düşüncələrimizlə istirahət etmək üçün vaxt ayırmalıyıq. Fərqli insanların niyə düşündüklərini, kimi düşündüklərini başa düşmək, bir çox insanın sağlamlığını və rifahını yaxşılaşdırmaq üçün perspektivli üsullara səbəb ola bilər", deyə alimlər bildiriblər.

Samir

0