Mentollu siqaret istifadəçilərinin demək olar ki, 25%-i onlar öz ölkələrində və ya şəhərlərində qadağan olunduqdan sonra siqareti buraxıb. 

HİT.az xəbər verir ki, bunu "Nicotine & Tobacco Research" (N&TR) jurnalında dərc olunan araşdırma göstərib.

Əvvəlki işlər göstərib ki, mentolun soyuducu təsiri gənclər arasında siqaret çəkməyə təşviq edən tütünün sərtliyini maskalayır. Yeni araşdırmada tədqiqatçılar ABŞ-ın 170 şəhəri, Avropa İttifaqı və mentollu siqaretləri qadağan edən bir sıra digər ölkələrdən məlumatları təhlil ediblər.

Siqaret çəkənlərin təxminən 50%-i qadağadan sonra başqa siqaretlərə keçib, 24%-i isə siqareti tamamilə targidib. Təxminən 12%-i digər ətirli tütün məhsullarına keçib. Üstəlik, mentollu siqaretlərin ölkə səviyyəsində qadağan edilməsi şəhər və ya rayon səviyyəsindən daha təsirli olub.

Əvvəllər elm adamları vapingin şirin qoxuların qəbulunu poza biləcəyini aşkar ediblər. Müntəzəm olaraq vaping mayesini istehlak edən təcrübə iştirakçıları şirin qoxulardan daha az həzz alır. Alimlər deyirlər ki, bu, potensial olaraq yemək pozğunluğuna səbəb ola bilər.

Samir