85 qram bişmiş vəhşi sockeye qızılbalığında təxminən 570 beynəlxalq vahid (BV) D vitamini olur ki, bu da gündəlik normanın təxminən 70 faizini təşkil edir. Qızılbalıq bu vitaminin əla mənbəyi sayılsa da, bəzi digər məhsullar bir porsiyada oxşar və ya daha yüksək miqdarda D vitamini ehtiva edə bilər.
HİT.az xəbər verir ki, "Very Well Health" nəşri D vitamini ilə zəngin olan və qızılbalığa alternativ kimi qəbul edilə bilən üç məhsulu təqdim edib.
Göy qurşağı alabalığı
Porsiya: 85 qram
D vitamini: 645 BV
Göy qurşağı alabalığı D vitamini ilə zəngin olan şirin su balığıdır. Əksər insanlar üçün bir porsiya alabalıq gündəlik D vitamini ehtiyacını ödəməyə kifayət edir.
Bundan əlavə, bu balıq yüksək keyfiyyətli zülal, omeqa-3 yağ turşuları və selen, kalium kimi vacib minerallarla da zəngindir.
Treska qaraciyəri yağı
Porsiya: 1 xörək qaşığı
D vitamini: 1360 BV
Treska qaraciyəri yağı D vitamini ilə çox zəngin olan qida əlavəsidir. Cəmi bir xörək qaşığı gündəlik normadan təxminən iki dəfə çox D vitamini təmin edə bilər.
Bu məhsul həmçinin A vitamini və omeqa-3 yağ turşuları ilə zəngindir. Bu maddələr immun sisteminin fəaliyyəti, göz sağlamlığı və iltihabın azaldılmasında mühüm rol oynayır.
Skumbriya
Porsiya: 85 qram
D vitamini: 388 BV
Atlantik skumbriya yalnız D vitamini ilə deyil, həm də omeqa-3 yağ turşuları ilə zəngindir. Bu maddələr beyin funksiyasını və ürək sağlamlığını dəstəkləyir. Eyni zamanda B qrup vitaminləri, xüsusilə B12 vitamini ilə zəngin olması enerji səviyyəsinin və sinir sisteminin sağlamlığının qorunmasına kömək edir.
D vitamini ilə zəngin digər məhsullar
D vitamini balıq, mal qaraciyəri, yumurta sarısı və pendir kimi məhsullarda da mövcuddur. Bundan əlavə:
* konservləşdirilmiş tuna (85 qram) – 68 BV
* siyənək (85 qram) – 182 BV
* tilapiya (1 file) – 130 BV
* paltus (85 qram) – 118 BV
* yumurta (2 ədəd, omlet) – 88 BV
* sardina (2 ədəd) – 46 BV
* ultrabənövşəyi şüa ilə yetişdirilmiş göbələklər (yarım stəkan) – 366 BV
* 2 faizli, zənginləşdirilmiş süd (1 stəkan) – 120 BV
* zənginləşdirilmiş yoqurt (1 stəkan) – 127 BV
* zənginləşdirilmiş portağal şirəsi (1 stəkan) – 100 BV
* soya, badam və ya yulaf südü (1 stəkan) – 100–144 BV
* zənginləşdirilmiş amerikan pendiri (1 dilim) – 84 BV
* zənginləşdirilmiş səhər yeməyi lopaları (1 porsiya) – 80 BV
D vitamini orqanizmin sümük sağlamlığı, immun sistemi və ümumi metabolik funksiyaları üçün vacib qida maddəsidir. Onun qida vasitəsilə kifayət qədər qəbul edilməsi sağlam həyat tərzinin mühüm hissəsi hesab olunur.
Samir
