Braziliya hökuməti Venesuela və Qayana ilə sərhədə əlavə bölmələr və zirehli texnika yerləşdirməyi əmr edib. 

HİT.az yerli G1 agentliyinə xəbər verir ki, bu qərar regionda gərginliyin artması ilə əlaqədar qəbul edilib.

Qeyd edilir ki, söhbət Essequibo bölgəsi ətrafında ərazi mübahisəsindən gedir. Bu ərazilər Qayana ərazisinin 2/3-sindən çoxunu tutur, lakin Venesuela hakimiyyəti tərəfindən də onlara iddia olunur.

"Braziliya hökuməti hələ də Venesuela sərhədində təcili hərbi əməliyyata rəhbərlik etmir, lakin ehtiyatlı vəziyyət və Braziliya diplomatiyasının mübahisədə vasitəçilik tonunu gücləndirməli olacağına dair bir qiymətləndirmə var", deyə məqalədə qeyd edilir.

Agentliyin məlumatına görə, hazırda Braziliya münaqişəyə qarışmamaq mövqeyindən çıxış edir. Eyni zamanda, ölkə rəhbərliyi böhranın kəskinləşməsi halında plan hazırlayıb və hadisələrin bu cür inkişafını mümkünsüz hesab etsə də, respublikanın döyüş hazırlığının səviyyəsini yüksəltməyi əmr edib, nəşrin müəllifləri yekunlaşdırıblar.

Dekabrın 3-də Venesuelada Essequibo bölgəsinin ölkəyə birləşdirilməsi ilə bağlı referendum keçirilib. "El Universal" nəşrinin məlumatına görə, 10 milyondan çox insan qeyd olunan ərazilərin dövlət tərkibinə daxil edilməsinə səs verib.

Samir