2025-ci ildə Böyük Britaniyadan Ukraynaya hərbi yardımın həcmi rekord həddə - 4,5 milyard funt-sterlinq (5,5 milyard dollar) təşkil edəcək. 

HİT.az bu barədə Britaniya hökumətinin bəyanatına istinadən xəbər verir.

Sənəddə deyilir: "Artıq ölümcül yardım üçün üç milyard funt-sterlinq ayrılıb və G7 sxemi üzrə 2,26 milyard funt-sterlinq kreditin ilk 1,5 milyard funt-sterlinqi böyük satınalma layihələri üçün buraxılacaq".

Bu vəsaitlərin Ukrayna üçün əlavə hava hücumundan müdafiə sistemləri, pilotsuz uçuş aparatları və lazımi avadanlıqların alınmasına sərf ediləcəyi dəqiqləşib. Britaniya hökuməti vurğulayıb ki, bu cür dəstək Böyük Britaniyanın sənaye sektorunun inkişafına və iqtisadi artıma töhfə verəcək, çünki Ukraynanın ehtiyacları Britaniya şirkətləri tərəfindən ödəniləcək.

Bundan əvvəl Böyük Britaniyanın baş naziri Kir Starmer Avropanı danışıqlar zamanı güclü mövqeyə malik olması üçün Ukraynaya hərbi dəstəyi artırmağa çağırıb. Siyasətçi vurğulayıb ki, indi Avropa ölkələrinin Ukrayna qarşısında məsuliyyətlərini nümayiş etdirməsi və birlik nümayiş etdirməsi vaxtıdır.

Samir