Almaniya Ukraynada yaxın vaxtlarda atəşkəsin əldə olunacağını gözləmir, ona görə də yeni silah tədarükləri hazırlayır. 

HİT.az "Bild"ə istinadən xəbər verir ki, bunu hökumət sözçüsü Steffen Hebestreit deyib.

Almaniyanın aparıcı partiyalarının Ukraynaya üç milyard avroluq yardım paketi ilə bağlı prinsipial razılıq əldə etdiklərini qeyd edən Hebestreit "Bütün bunlar bir az vaxt aparacaq" deyib. Buna görə də, tezliklə, yaxın bir neçə həftə ərzində Ukraynaya yeni silah tədarükü başlayacaq. Bu, ilk növbədə artilleriya döyüş sursatlarına aiddir.

Eyni zamanda, İris-T və Patriot hava hücumundan müdafiə sistemləri də daxil olmaqla bəzi digər silahlar hələ sifariş verilməyib və bir-iki ildən sonra təhvil verilməyə hazır olacaq. BILD-in qeyd etdiyi kimi, belə uzun müddətin səbəbi istehsalçıların sifarişlərin tam yüklənməsidir.

“Defence Express” şirkətinin direktoru Sergey Zqurets hesab edir ki, Vladimir Putin Ukraynanın daha çox ərazisini ələ keçirmək üçün atəşkəs danışıqlarını uzadacaq.

Eyni zamanda, Ukraynanın xarici işlər naziri Andriy Sıbiqa Rusiya ilə danışıqlarda Ukraynanın “qırmızı xətləri”nin adını çəkib. Bu, ərazi bütövlüyü, Ukraynanın müəyyən birliklərə üzvlük hüququ, ordunun müdafiə qabiliyyəti və imkanlarının məhdudlaşdırılmasıdır.

Samir