Ukraynanın Xerson şəhəri yaxınlığındakı Alyoşkidə hələ də 2-4 minə yaxın insan yaşayır. Yayın başa çatması ilə sakinlərin həyətlərində yetişdirdikləri onsuz da qıt məhsulların da tükənməsi səbəbindən onlar aclıq təhlükəsi ilə üz-üzədir.

HİT.az xəbər verir ki, Dnepr çayının cənubunda yerləşən Ukrayna şəhəri Xersondan cəmi 4 kilometr məsafədədir. Lakin bu məsafəni qət etmək mümkün deyil. Mətnə görə, Rusiya qoşunları artıq bir neçə aydır Alyoşki şəhərini mühasirədə saxlayır. Şəhərə getmək və oradan çıxmaq mümkün deyil.

Ukrayna mənbələrinin məlumatına görə, son ərzaq tədarükü mayın 26-da həyata keçirilib. Sağ qalmaq üçün çıxılmaz vəziyyətdə qalan sakinlər bir-birindən oğurluq etməyə başlayıblar. Onlar toyuqlarını kəsirlər, çünki quşları yemlətmək üçün artıq yem yoxdur.

Rusiya hərbçiləri humanitar yardım daşıyan kolona atəş açdıqdan sonra insanlar hücumdan sağ çıxan yüklərin qalıqlarını dərhal götürüblər.

Pulun yerini barter tutub. Küçələrdə ölən insanlar, adətən, elə olduqları yerdə qalır və itlər tərəfindən parçalanırlar. Uşaqlar yemək istəyirlər.

Şəhəri tərk etmək cəhdləri ya ölümlə nəticələnir, ya da Rusiya hərbçiləri insanları geri göndərirlər. Mətnə görə, hərbçilər onlara “Geri qayıt və orada öl” deyərək gülürlər.

Yollar minalanıb, havada dronlar uçur. Məqalədə onların operatorlarının insanları hədəfə aldığı iddia edilir. Alyoşkidə insanların üzləşdiyi ən böyük təhlükənin ölüm olduğu bildirilir. Qarşıda isə qış gəlir.

Ukrayna hakimiyyəti və beynəlxalq təşkilatlar artıq bir neçə aydır şəhər sakinlərinin təxliyəsi ilə bağlı razılığa gəlməyə çalışırlar. Lakin mətnə görə, Rusiya tərəfi indiyədək humanitar dəhlizin açılması və atəşkəs elan edilməsi ilə bağlı razılıq verməyib. Məqalədə bunun əvəzinə yüzlərlə insanın girov kimi saxlanıldığı iddia olunur.

Samir