"Həmin radio aparıcısı bacımla məni düşmən etdi"

MAQAZİN
12:02 / 27.05.2024
387

"O üz" verilişinin növbəti buraxılışı Xalq artisti Nazpəri Dostəliyevanın müğənni bacısı Zeynəb Dostəliyevaya həsr edilib.

İfaçı mərhum bacısından, onunla münasibətlərindən danışıb. O bildirib ki, bacısı ilə arasını radio işçisi vurub:

"Bacım mənə deyirdi ki, sən anamıza oxşayırsan. Səbrlisən… Sən haqqında xoşagəlməz nəsə eşidəndə belə susmağı bilirsən. Amma mən susa bilmirəm. Bacım Zeynəb çılğın idi. Ona bir söz deyəndə həmin dəqiqə inanırdı. Amma mən ona deyəndə ki, başqalarının sözünə inanma, deyirdi, yox. Onda belə bir fikir yaranmışdı ki, mən icazə vermirəm efirə çıxsın. O hətta efirə çıxanda belə bu sözləri dedi. Sonra da biz bu məsələlərə öz aramızda aydınlıq gətirdik.

Bacımla elə bir ünsiyyət yaratdım ki… Ona dedim, sən niyə başqasının sözü ilə oturub-durursan. Bir şəxs biz bacıların arasına elə bir hədd çəkdi ki, ürəyim sındı. Amma hər zaman susdum. Çünki o məndən böyük idi. Ona heç zaman cavab qaytarmazdım. Radioda çalışan bir populyar aparıcı mənə zəng edib deyirdi ki, Zeynəb sizin haqqınızda belə dedi… Ona deyirdim ki, siz mənim bacımı tanıyırsınız. Siz nə deyirsinizsə, o da inanır. Özünüzü yığışdırın. Siz münaqişəni iki bacı arasında yaratmayın. 

İndi həmin o aparıcı məni görəndə qaçır. Bacım mənə bunları deyəndə dəli oldum, başıma hava gəldi. Heç düşmənçilik də belə olmaz".

N.Doztəliyeva bacısının efirə çıxmamasının səbəbini açıqlayıb:

"Bacım Zeynəb Dostəliyeva o illərdə fəaliyyətdə və səhnədə olsaydı, məndən də uca zirvələrə yüksələrdi. Zeynəbin sənətinin qarşısını alan ailə həyatı oldu. Onun həyat yoldaşı istəmədi və icazə vermədi. Sonra son zamanlar efirlərdə göründü. Çünki həyat yoldaşı dünyasını dəyişdi"

Qeyd edək ki, Z.Dostəliyeva ötən ilin fevralında dünyasını dəyişib.//Axşam.az 

0