Qaraciyəri məhv edən məhsullar - SİYAHI

MARAQLI
22:48 / 07.12.2023
565

Qaraciyərin ən böyük düşməni qaraciyərin fibrozuna səbəb olan hepatositləri (qaraciyər hüceyrələrini) birbaşa zədələyən spirtdir. Gələcəkdə bu, qaraciyər sirrozunun inkişafına səbəb ola bilər. 

HİT.az xəbər verir ki, bunu qastroenteroloq Valeriya Lomova gazeta.ru-ya müsahibəsində bildirib.

Həkim qaraciyər üçün ən zərərli qidaları sadalayıb:

“Heyvan yağında yüksək olan qidalar da qaraciyərin sağlamlığı üçün zərərli hesab olunur. Bunlara: kərə yağı, piy, marqarin, kolbasa, yağlı ətlər (quzu, donuz əti, ördək, qaz), xəmir məmulatları, tortlar, un məmulatları, yarımfabrikatlar və fastfud məhsulları daxildir".

Bundan əlavə, həkim deyib ki, fruktozanın həddindən artıq istehlakı qaraciyərin yağlanmasına səbəb ola bilər:

"Meyvələr sağlamdır, lakin ölçüdə istehlak edilməlidir. Şəkərsiz giləmeyvələrə üstünlük vermək daha yaxşıdır".

O, həmçinin şəkərin qaraciyərə zərərli təsirlərinə diqqət çəkib, həddindən artıq istehlakı qanda qlükoza səviyyəsinin artmasına gətirib çıxarır ki, bu da öz növbəsində qaraciyər yağlanması xəstəliyinə səbəb ola bilər. Buna görə də həkim ağ şəkər, şirələr, qazlı içkilər, şokolad, desertlər və s.-dən çox istifadədən çəkinməyi tövsiyə edib:

"Konservləşdirilmiş qidaların və yarımfabrikatların istehlakı da qaraciyərin sağlamlığına mənfi təsir göstərə bilər, çünki bu məhsulların tərkibində çoxlu miqdarda duz, konservantlar və stabilizatorlar var".

Samir

0