Astroloqların fikrincə, retroqrad Saturn dövrü bəzi bürclər üçün həyatdakı qərarların nəticələri ilə üzləşmək, səhvləri düzəltmək və yenidən qiymətləndirmə mərhələsi ola bilər. 

HİT.az xəbər verir ki, "YourTango" nəşrinin yazdığına görə, bu dövr 10 dekabr 2026-cı ilədək davam edəcək.

Qeyd: Astrologiya, tarot, numerologiya, xətlərə baxma və digər oxşar praktikalər elmi sahələr hesab edilmir. Onlar qədim inanclar və şərhlərə əsaslanır, elmi araşdırmalarla təsdiqlənməyib və qərar qəbul etmək üçün etibarlı vasitə kimi qəbul edilməməlidir.

Astroloqlar bildirirlər ki, dürüst davranan, ətrafındakılara kömək edən və öz üzərində çalışan insanlar üçün retroqrad Saturn dövrü müsbət dəyişikliklər və layiqli nəticələr gətirə bilər. Lakin başqalarına qarşı ədalətsiz davranan, məsuliyyətdən qaçan və ya insanlara zərər verən şəxslərin öz qərarlarının nəticələri ilə qarşılaşacağı iddia olunur.

Bu dövrdən xüsusilə dörd bürcün daha çox təsirlənəcəyi qeyd edilir.

Xərçəng

Xərçəng bürcü üçün qarşıdakı aylar yekunlaşdırma dövrü olacaq. Astroloqların fikrincə, əvvəllər edilən hərəkətlərin nəticələri özünü göstərəcək.

Əgər Xərçənglər öz üzərlərində çalışıb, səhvlərini düzəltməyə cəhd göstəriblərsə və məqsədlərinə çatmaq üçün səy göstəriblərsə, bu dövr onlara mükafat və yeni imkanlar gətirə bilər.

Lakin məsuliyyətdən yayınan və ya ətrafındakılara qarşı ədalətsiz davranan Xərçənglərin keçmiş problemlərlə üzləşəcəyi bildirilir. Retroqrad Saturnun köhnə məsələləri yenidən gündəmə gətirəcəyi və vacib nəticələr çıxarmağa məcbur edəcəyi iddia olunur.

Tərəzi

Tərəzi bürcündə olanların münasibətlərini yenidən nəzərdən keçirməli və öz davranışlarını obyektiv qiymətləndirməli olacağı qeyd edilir.

Astroloqlara görə, bu dövr yetkinlik və qəbul edilən qərarlara görə məsuliyyət sınağı olacaq. Məsuliyyəti başqalarının üzərinə atmaq və ya səhvlərə bəraət qazandırmaq əvvəlki kimi nəticə verməyəcək.

Bununla yanaşı, Tərəzilərin tez-tez ətrafındakı insanların rahatlığı üçün öz maraqlarından imtina etdiyi vurğulanır. Retroqrad Saturn dövrünün onlara daha sağlam sərhədlər qurmağı öyrədəcəyi iddia olunur.

Qoç

Qoç bürcü üçün retroqrad Saturnun təsirinin daha güclü hiss ediləcəyi bildirilir, çünki bu planetin onların bürcündən keçdiyi qeyd olunur.

Astroloqların fikrincə, son dövrdə göstərilən səylər real nəticələr verməyə başlaya bilər. Karyerasına diqqət ayıran, məsuliyyət götürən və məqsədləri üçün çalışan Qoçlar yüksəliş, maliyyə artımı və peşəkar tanınma əldə edə bilərlər.

Lakin öhdəliklərdən yayınan və düşünülməmiş qərarlar verənlər keçmiş səhvlərlə üzləşə bilər. Bu mərhələnin səhvləri düzəltmək və yeni təcrübə qazanmaq üçün fürsət yarada biləcəyi bildirilir.

Oğlaq

Saturn Oğlaq bürcünün idarəedici planeti hesab edildiyindən, astroloqlar bu bürc nümayəndələrinin retroqrad dövrün təsirini daha güclü hiss edəcəyini bildirirlər.

Yaxın ayların keçmiş addımların nəticələrinin ortaya çıxacağı dövr olacağı iddia edilir. Dürüstlük, yaxşı əməllər və şəxsi inkişaf istəyi müsbət nəticələrlə qarşılıq tapa bilər. Səhvlər və başqalarına vurulan zərər isə düzəliş tələb edə bilər.

Xüsusilə ailə münasibətlərinə və yaxın insanlarla əlaqələrə diqqət yetirmək tövsiyə olunur. Keçmiş münaqişələr, həll olunmamış incikliklər və köhnə problemlər yenidən gündəmə gələ bilər.

Astroloqlar belə vəziyyətlərdən qaçmaq əvəzinə, açıq söhbətlər aparmağı, barışmağa çalışmaq və keçmiş məsələləri tamamlayaraq ilin sonuna daha rahat daxili vəziyyətlə daxil olmağı məsləhət görürlər.

Samir