Astrologiya və numerologiyaya görə, bəzi insanların intuisiyası daha güclü ola bilər. Onların ətrafındakı insanların əhvalını tez hiss etdiyi, davranışdakı xırda dəyişiklikləri fərq etdiyi və bəzi hadisələri əvvəlcədən sezə bildiyi iddia olunur.

HİT.az xəbər verir ki, bu xüsusiyyətlərlə daha çox iyun, oktyabr, fevral və yanvar aylarında doğulan insanlar əlaqələndirilir.

İyun ayında doğulanlar ətrafdakı insanların əhvalındakı dəyişiklikləri tez hiss edən şəxslər kimi xarakterizə olunur. Onlar səs tonundakı fərqi, qəribə baxışı və ya adətən danışqan olan insanın qəfil susmasını belə fərq edə bilirlər. İddialara görə, onların intuisiyası xüsusilə ailə və dostluq münasibətlərində özünü göstərir.

Oktyabrda doğulanlar insanları və hadisələri yalnız ilk təəssürata əsasən qiymətləndirmirlər. Onlar sözlərlə yanaşı, pauzalara, intonasiyaya və deyilməyən fikirlərə də diqqət yetirirlər. Hadisədə nəyinsə məntiqsiz olduğunu hiss etdikdə, məsələni uzun müddət düşünə və qarşı tərəfin nəyisə gizlətdiyini sezə bilərlər.

Fevral ayında doğulanların isə ətrafdakı insanların emosional vəziyyətinə həssas olduğu bildirilir. Səs-küy və gərgin mühit onları tez yorur. Onların intuitiv hisslərinin bəzən yuxular, qəfil yaranan düşüncələr və izahı çətin olan daxili narahatlıq şəklində ortaya çıxdığı qeyd olunur.

Yanvarda doğulanlar daha çox məntiqli və rasional insanlar kimi təqdim edilir. Lakin onların intuisiyası emosiyalardan deyil, müşahidə və analiz qabiliyyətindən qaynaqlanır. Onlar bir-birindən ayrı görünən faktlar arasında əlaqə quraraq başqalarının hələ görmədiyi nəticəyə gələ bilirlər.

Samir