Floridalı bir kişi qovulduğu striptiz kluba yük maşını ilə hücum edib.

HİT.az xəbər verir ki, Bu barədə Tampa şəhərinin informasiya portalı məlumat yayıb.

İlkin məlumata görə, hadisə avqustun 13-də səhər tezdən baş verib. Hadisə şahidlərinin sözlərinə görə, kişi klubdan qovulub, bundan sonra o, yük maşının ilə girişdə dayanan bir qrup insanın üzərinə sürüb.

Hadisə nəticəsində bir nəfər ağır bədən xəsarətləri alıb və həlak olub. Həmçinin daha iki ziyarətçi yaralanıb.

Həmin şəxs artıq saxlanılıb. Onun vəziyyəti kritik, lakin stabil qiymətləndirilir. Hüquq-mühafizə orqanları yaxın vaxtlarda ona qarşı ittiham irəli sürəcəklər. Hadisə ilə bağlı daha ətraflı məlumat dəqiqləşdirilir.

Samir