Böyük Britaniya Müdafiə Nazirliyi tapılan mikro çatlara görə 120.000 ECBA bədən zirehini geri çağıracaq. 

HİT.az “The Guardian” qəzetinə istinadən xəbər verir ki, bu barədə müdafiə nazirinin müavini Lyuk Pollard bildirib.

“Sınaq zamanı köhnəlmiş Gücləndirilmiş Döyüş Bədən Zirehlərində (ECBA) mikroskopik çatlar aşkar edilib”, deyə qeyd edilib.

Nəşrin məlumatına görə, Pollard Hərbi Dəniz Qüvvələrində geniş istifadə olunan yüngül zirehin dəyişdirilməsini xahiş edən komandanlığa sorğular göndərib. Qəzetin yazdığına görə, bu forma ordu tərəfindən aşağı təhlükə şəraitində də istifadə olunur. Böyük Britaniya müdafiə nazirinin müavininin sözlərinə görə, departament bu riskə dözməyəcək.

Köhnəlmiş bədən zirehləri 2023-cü ildə dəyişdirilməli idi, lakin pula qənaət etmək üçün əvvəlki Mühafizəkar hökumət tərəfindən təkmilləşdirilmə dörd il gecikdirilib.

Pollard daha əvvəl bəyan etmişdi ki, Böyük Britaniya hökuməti Ukraynaya hər il 3 milyard funt sterlinq vermək niyyətindədir. Onun sözlərinə görə, bu səviyyədə dəstək zəruri olduğu müddətcə veriləcək. O, Britaniyanın G7-nin Fövqəladə Gəlirlərin Sürətləndirilməsi proqramı çərçivəsində əlavə yardım göstərməyi planlaşdırdığını vurğulayıb.

Samir