Amerikanın strateji bombardmançı təyyarəsi B-52 Stratofortress güclü yan küləklər zamanı eniş edərkən sanki uçuş-enmə zolağı üzərində yanakı sürüşürmüş kimi görünə bilər. Lakin bu, nəzarətsizlik deyil, xüsusi hazırlanmış “crab landing” (krabvari eniş) texnikasıdır. 

HİT.az xəbər verir ki, bu barədə "WioNews" yazıb.

Məlumata görə, belə eniş zamanı təyyarənin burnu küləyə qarşı çevrilmiş olur, lakin eniş şassisi uçuş-enmə zolağı ilə düzgün istiqamətdə saxlanılır. Nəticədə təyyarə vizual olaraq yanakı hərəkət edirmiş kimi görünür.

Bu texnikanın səbəbi B-52-nin konstruktiv xüsusiyyətləridir. Təyyarənin qanad açıqlığı 56 metrdən çoxdur və qanadların ucları yerə yaxın yerləşir. Güclü yan külək zamanı klassik eniş qanadın yerə toxunması riskini yarada bilərdi.

Bu problemi həll etmək üçün mühəndislər B-52 üçün xüsusi idarə olunan eniş şassisi sistemi hazırlayıblar. Təyyarənin əsas təkər blokları 20 dərəcəyədək sağa və ya sola çevrilə bilir. Pilotlar kabinədən xüsusi idarəetmə mexanizmi vasitəsilə eniş zolağının istiqamətini seçir və sistem şassini avtomatik olaraq uyğunlaşdırır.

Bundan başqa, B-52-nin nisbətən kiçik şaquli stabilizatoru yalnız aerodinamik idarəetmə ilə tam sabit enişi çətinləşdirir. Buna görə də bu mexaniki həll ağır bombardmançının eniş zamanı təhlükəsiz hərəkətini təmin edir.

Məqalədə qeyd olunur ki, bu texnologiya ilk dövrlərdə məxfi saxlanılıb və Soyuq Müharibə illərində təyyarənin şassisi xüsusi şəkildə gizlədilib.

Samir