Türkiyə hesab edir ki, Ukrayna ilə bağlı danışıqlar sakit şəraitdə aparılmalı və təxribatlara yol verilməməlidir. 

HİT.az xəbər verir ki, bu barədə Türkiyə hökumətindəki mənbə “RİA Novosti”yə bildirib.

“Danışıqları poza və ya danışıqlar prosesinə yeni maneələr yarada biləcək təxribat xarakterli hərəkət və bəyanatlardan çəkinmək lazımdır”, — agentliyin həmsöhbəti deyib.

Türkiyə hökuməti münaqişə tərəfləri arasında diplomatik əlaqə imkanlarının qorunmasına çağırıb.

Sentyabrın 5-də ABŞ-ın danışıqlar aparan nümayəndələri Stiv Uitkoff və Cared Kuşner Moskvada Rusiya prezidenti Vladimir Putinlə görüşüblər. Ertəsi gün onlar Ukrayna prezidenti Vladimir Zelenski ilə münaqişənin nizamlanmasını müzakirə ediblər. Uitkoff səfərlər zamanı əhəmiyyətli irəliləyiş əldə olunduğunu bildirib.

Zelenskinin sözlərinə görə, Rusiya, ABŞ və Ukrayna arasında növbəti üçtərəfli danışıqlar Birləşmiş Ərəb Əmirlikləri, Türkiyə və ya İsveçrədə keçirilə bilər. O, görüşdə enerji obyektlərinə zərbələrin dayandırılmasının müzakirə mövzusu ola biləcəyini ehtimal edib.

Kreml də danışıqlar prosesinin bərpa olunacağına ümid edir. Bununla belə, üçtərəfli görüşün təfərrüatları barədə hələlik məlumat verilmir.

Samir