Laçında 3,7 milyonluq layihə: daha iki kəndin bərpasına başlanılır

İQTİSADİYYAT
23:00 / 20.06.2024
300

Laçın rayonunda bərpa və yenidənqurma işləri sürətlə davam etdirilir.

İqtisadiyyat.az-ın xəbərinə görə, Laçın rayonunda Bərpa, Tikinti və İdarəetmə Xidməti daha bir neçə kəndin bərpası ilə bağlı hazırlıqlara başlayıb.

Belə ki, Şəlvə və Pircahan kəndinin layihə-smeta sənədləri hazırlanacaq. 

Bundan əlavə, şəhərdə 2-ci fazanın 1-ci mərhələsi üzrə və 2-ci fazanın 2-ci mərhələsi üzrə fərdi evlərin və az mərtəbəli çox mənzilli evlərin layihə-smeta sənədlərinin hazırlanmasına başlanılıb.

Dövlət Xidməti bütün hallarda layihə-smeta sənədlərinin hazırlanması işlərini FHN-in Tikintidə Təhlükəsizliyə Nəzarət Dövlət Agentliyinin "Azərinşaatlayihə" Dövlət Baş Layihə Konstruktor Texnoloji İnstitutuna həvalə edib.

İnstitut layihə-smeta sənədlərini 3,7 milyon manata hazırlayacaq.
 

0