1981–1996-cı illər arasında doğulan minilliklər (millennials) həm analoq, həm də rəqəmsal dövrün kəsişməsində böyüyüb. 

HİT.az xəbər verir ki, “Yourtango” nəşrinin yazdığına görə, onların gündəlik həyatı bugünkü zumer və alfa nəsillərinin artıq tanımadığı bir çox elementlərlə zəngin idi.

Sosial şəbəkəsiz həyat

Məqaləyə görə, minilliklər Instagram və TikTok kimi platformalar olmadan böyüyüblər. Bu isə onlara daha az rəqəmsal təzyiq və daha çox real həyat azadlığı verirdi.

Telefon nömrələrini yadda saxlamaq

Smartfonlar olmadığı dövrdə insanlar onlarla telefon nömrəsini əzbər bilməli idi. Görüş təyin etmək üçün isə ev telefonlarına zəng etmək və ya avto-cavablayıcıya mesaj buraxmaq lazım gəlirdi.

Musiqi və filmləri CD-yə yazmaq

Streaming xidmətləri yoxdur idi və gənclər musiqi və filmləri CD-lərə köçürərək kolleksiyalar yaradırdı. Bu, həm texniki proses, həm də sosial jest sayılırdı.

T9 ilə mesaj yazmaq

Köhnə mobil telefonlarda SMS yazmaq çətin proses idi. 9 düymə ilə mətn yazmaq üçün T9 sistemi istifadə olunurdu, lakin bu, çox vaxt aparırdı.

“Mesaj göndərmək olduqca yorucu idi”, deyə məqalədə qeyd edilir.

Jurnallar trend mənbəyi kimi

İnfluencerlərdən əvvəl moda və məşhurlar haqqında məlumatlar jurnal və qəzetlərdən alınırdı. Testlər, ulduz falı və məsləhətlər böyük maraq doğururdu.

Zəngli saatlar

Smartfonlardan əvvəl insanlar ayrıca zəngli saatlardan istifadə edirdi. Onların səsi çox vaxt olduqca narahat edici olurdu və səhvən yatıb qalmaq adi hal idi.

Fotoaparatlar

Telefon kameraları olmadan insanlar ayrıca fotoaparatlardan istifadə edirdi. Şəkillər ya filmə çəkilir, ya da sonradan kompüterə köçürülürdü.

Kolleksiya toplamaq

90–2000-ci illərdə uşaqlar saqqız içlikləri, “Kinder sürpriz” oyuncaqları və kart kolleksiyaları yığırdı. Bu gün isə daha çox viral trendlər qısa müddətli populyarlıq qazanır.

Kitabxanadan istifadə

İnternetdən əvvəl şagirdlər məlumatı kitabxanalardan tapırdı. Ensiklopediyalar və kart kataloqları əsas mənbə idi.

“Şans məktubları”

Zəncirvari məktublar (chain letters) kağız formada yayılırdı və insanlar onları köçürüb başqalarına göndərirdi. Bu, erkən “spam” anlayışının bir forması idi.

Samir