Ukraynanın xarici işlər naziri Dmitri Kuleba bildirib ki, Kiyevin müttəfiqlərinin arsenalında yüzdən çox "Patriot" sistemi olmasına baxmayaraq, Qərb ölkələri ölkə üçün kifayət qədər hava hücumundan müdafiə sistemi təmin etmir. 

HİT.az xəbər verir ki, o, bu barədə "Reuters" agentliyinə müsahibəsində bildirib.

Kuleba NATO ölkələrindən olan həmkarları ilə hər görüşdə hava hücumundan müdafiə sistemlərinin tədarükü məsələsini qaldıracağını vurğulayıb.

"Tərəfdaşlarımız bizi müxtəlif hava hücumundan müdafiə sistemləri ilə təmin etdilər, biz bunu yüksək qiymətləndiririk, lakin müharibənin miqyasını nəzərə alsaq, bu, sadəcə olaraq kifayət deyil", deyə Kuleba şikayət edib.

Onun sözlərinə görə, Kiyevin müttəfiqlərində yüzdən çox "Patriot" var, lakin bir neçəsini bölüşməyə hazır deyil.

"Bu, belə böyük problemdir? Doğrudanmı Ukraynanı minimum tələbatla təmin etmək mümkün deyil?", deyə Ukrayna Xarici İşlər Nazirliyinin rəhbəri bildirib.

Kuleba vurğulayıb ki, lazımi silahların təhvil verilməsi siyasi iradə işidir, ona görə də kimsə müvafiq qərar verməlidir.

Samir