"HMD Global" şirkəti "Nokia" brendi altında smartfon satışını dayandırıb və tamamilə öz brendindən istifadəyə keçib.

Hit.az xəbər verir ki, bu barədə "TechNetBooks" portalı məlumat yayıb.

Smartfonlar dövründə bir vaxtlar mobil telefon bazarında lider olan "Nokia" ciddi rəqabətlə üzləşib. "Microsoft"un "Windows" cihazları ilə markanı canlandırmaq cəhdindən sonra 2016-cı ildə HMD-yə "Nokia" markalı cihazları buraxmaq hüququ verən lisenziya müqaviləsi imzalanıb

HMD bir neçə uğurlu və münasib qiymətə "Nokia" markalı cihazları buraxıb, lakin tədricən öz markasının xeyrinə markadan imtina etməyə başlayıb. İndi HMD veb saytına daxil olan zaman istifadəçilər "HMD Key", "Arc", "Skyline", "Fusion", "Aura" və "Pulse" kimi ən son HMD markalı smartfonları görəcəklər, "Nokia" markalı cihazlar isə “miras” bölməsinə köçürülüb və "mövcud deyil" kimi işarələnib. 

Qeyd olunur ki, HMD "Nokia" brendindən istifadəni davam etdirəcək, ancaq sadə və ucuz düyməli telefonlar üçün.

Samir