Olaf Şolts: \"Ağır zərbə oldu, çünki hazırlıqsız idik\"

19:49 / 20.02.2024
200

Almaniya kansleri Olaf Şolts Ukrayna münaqişəsinin nəticələrinin Almaniyaya ağır zərbə vurduğunu, çünki bu vəziyyətə hazır olmadığını bildirib. 

HİT.az bu barədə TASS-a istinadən xəbər verir.

Almaniya Federal İşəgötürənlər Assosiasiyasının (BDA) konfransında o, "Nəticələr Almaniyaya ağır zərbə vurdu, çünki hazırlıqsız idik", deyib.

O qeyd edib ki, Almaniya hökuməti vəziyyəti düzəltmək üçün tez bir zamanda lazımi tədbirlər görüb. Onun sözlərinə görə, mayeləşdirilmiş təbii qazın (LNG) qəbulu üçün terminallar rekord müddətdə tikilib.

Əvvəllər məlum olub ki, Almaniya Rusiya qazından istifadəni davam etdirir. Yanacaq ölkəyə Belçika və Niderlanddakı LNG terminalları vasitəsilə daxil olur. Qeyd edilib ki, yerli hakimiyyət Rusiya xammalının Avropa səviyyəsində reeksportuna qadağa qoymağa hazırlaşır.

Bundan əvvəl Bundestaqın deputatı Sara Vaqenknext Almaniyanın Rusiyaya qarşı tətbiq etdiyi yanacaq sanksiyalarını tənqid edib. Siyasətçi bildirib ki, məhdudiyyətlərin təsiri yalnız Almaniya üçün enerji xərclərini artırmaqdır.

Samir

0