Avropa İttifaqı diplomatiyasının rəhbəri Kaya Kallas deyib ki, Avropa zorakılığın artmasından və Suriyadan yeni qaçqın axınından qorxur. 

HİT.az xəbər verir ki, bu barədə “Politico” qəzeti yazıb.

"Hər kəs vətəndaş müharibəsinin təkrarlanmasından, azlıqlara qarşı zorakılığın davam etməsindən və yeni qaçqın axınının, fərqli qaçqınların olacağından narahatdır", deyə Kallas bildirib.

O əlavə edib ki, bəzi suriyalı qaçqınlar qonşu ölkələrdən qayıdır və bu, onlara ümid olduğunu göstərir.

Kallas aydınlaşdırıb ki, Aİ suriyalılar üçün demokratiya qura bilməz, onlar bunu özləri etməlidir, lakin Avropa onlara kömək edə bilər.

Bundan əvvəl ABŞ-ın yeni seçilmiş prezidenti Donald Tramp demişdi ki, Suriya hakimiyyəti və sakinləri respublikadakı mövcud vəziyyətin öhdəsindən müstəqil şəkildə gəlməli olacaqlar.

O qeyd edib ki, hazırda dünya çoxlu böhranlar yaşayır. Söhbət həm də bir neçə gün əvvəl münaqişənin kəskinləşdiyi Suriyadakı çətin vəziyyətdən gedir.

Samir