“Paris Yay Olimpiya oyunlarının açılış mərasimində Fransa jurnalistlərinin ölkəmizlə, Qarabağla bağlı səsləndirdiyi fikirlər birmənalı olaraq təxribat xarakteri daşıyır”. 

Bu sözləri Hit.az-a siyasi şərhçi Mətin Məmmədli deyib. 

M.Məmmədli hesab edir ki, Fransanın "France 2" telekanalında açılış mərasimində canlı yayım zamanı aparıcılar təsadüfən məlum fikirləri səsləndirməyib: 

“Bu fikirlər, cümlələr bir daha sübut edir ki, Fransa Azərbaycana qarşı  hansı mövqe də, hansı düşüncədir. Fransa beynəlxalq idman yarışlarından da öz siyasi məqsədləri üçün istifadə edir”.

Xatırladaq  ki, Fransada 33-cü Yay Olimpiya Oyunları başlayıb. 2024-cü il Paris Yay Olimpiya Oyunlarının açılış mərasimində Azərbaycana qarşı təxribat xarakterli davranış sərgilənib.

Belə ki,  Fransanın "France 2" telekanalında açılış mərasimində canlı yayım zamanı aparıcılar Azərbaycan idmançılarına qarşı təxribat xarakteri daşıyan ifadələr səsləndirib.

Sevinc