Wi-Fi 7 simsiz rabitə standartı bazarda yeni paylanmağa başlayır və Wi-Fi 8 haqqında məlumatlar artıq internetdə peyda olub. Yeni nəsildə əsas diqqət sürətə deyil, etibarlılığa veriləcək.

HİT.az bu barədə "MyDrivers"ə istinadən xəbər verir.

Məlumata görə, yeni standart üç diapazonu dəstəkləyəcək: 2.4 GHz, 5 GHz və 6 GHz. Məqsəd bant genişliyinin səmərəliliyini artırmaqdır.

Wi-Fi bant genişliyi ənənəvi olaraq simsiz şəbəkənin işini müəyyən edən əsas parametrlərdən biri hesab olunur. İstifadəçinin şəbəkədə işinin rahatlığı bu göstəricidən asılıdır: bant genişliyi nə qədər yüksəkdirsə, fayllar daha sürətli yüklənir, yüksək keyfiyyətli videolar yayımlanır və digər tapşırıqlar yerinə yetirilir.

Bundan əlavə, Wi-Fi 8 dinamik spektrin bölüşdürülməsi texnologiyasının işini optimallaşdırır. Bu yanaşma şəbəkə yükünü və digər şərtləri nəzərə alaraq istifadəçilər arasında tezlik resurslarını səmərəli şəkildə bölüşdürməyə imkan verir. Nəticədə sistemin ümumi ötürmə qabiliyyəti artır, bu da istifadəçi təcrübəsini yaxşılaşdırır və şəbəkənin dayanıqlığını artırır.

Wi-Fi 8 dəstəyi ilə ilk cihazların yalnız 2028-ci ildə peyda olacağı gözlənilir.

Xatırladaq ki, Wi-Fi 7 standartı rəsmi olaraq 2024-cü il yanvarın ortalarında istifadəyə verilib. Yeni texnologiya Wi-Fi 6-dan demək olar ki, beş dəfə sürətli, həmçinin daha stabil və etibarlıdır.

Samir