Bosniya və Herseqovinada "separatçı ritorika"nın yayılması NATO rəhbərliyinin narahatlığına səbəb olur.

HİT.Az “Reuters” agentliyinə istinadən xəbər verir ki, bu barədə təşkilatın baş katibi Yens Stoltenberq bildirib.

Müvafiq bəyanat Şimali Atlantika Alyansının rəhbəri ilə Bosniya Nazirlər Şurasının sədri Boryana Kristo arasında keçirilən görüşdə verilib. Eyni zamanda Stoltenberq qeyd edib ki, o, digər dövlətlərin Bosniya və Herseqovinanın işlərinə qarışmasından da narahatdır.

Onun sözlərinə görə, söhbət Rusiya hakimiyyət orqanlarından da gedir. Eyni zamanda, NATO-nun baş katibi Bosniya və Herseqovinanın Avro-Atlantik yoluna davam edəcəyini gözlədiyini bildirib.

"Hər bir ölkənin xarici müdaxilə olmadan öz təhlükəsizlik tədbirlərini seçmək hüququ var", deyə Alyans rəhbəri vurğulayıb.

Oktyabr ayında Serb Respublikasının (Bosniya və Herseqovinanın tərkibindəki qurum) baş naziri Radovan Viskoviç hakimiyyətin Rusiya Federasiyasından uzunmüddətli qaz tədarükü ilə bağlı müqavilə imzalamaq planlarını açıqlayıb. Müqavilənin 2023-cü ilin sonuna qədər bağlanacağı gözlənilir. Bu, Rusiyanın Bosniya və Herseqovinaa müdaxiləsi kimi dəyərləndirilir.

Samir