Polşanın Çersk qalasında ekskursiya zamanı 9 yaşlı oğlan qeyri-adi kəşf edib. O, Prussiya knyazı Georq Vilhelmə məxsus gümüş püstərakı təkbaşına tapıb. Belə sikkənin üzərində 1624-cü il tarixi qeyd olunub. 

HİT.az xəbər verir ki, bu barədə Onet.pl Mazovetski vilayətinin abidələrin mühafizəsi üzrə konservatoruna istinadən yazıb.

Məlumata görə, sikkə Krolevesdəki zərbxanada hazırlanıb.

“Bu, gündəlik hesablaşmalarda istifadə olunan xırda pul vahidi – 1,5 qroşluq sikkədir. Bu gün isə o, kiçik, lakin Çersk qalasının hələ də mühüm funksiyaları yerinə yetirdiyi dövrün parlaq şahididir”, – deyə məlumatda bildirilir.

Püstərakın çəkisi bir qramdan bir qədər azdır. Kiçik ölçüsünə baxmayaraq, bu tapıntı arxeoloq və tarixçilərə XVII əsrdə Polşa torpaqlarında insanların həyatını və pul dövriyyəsini daha yaxşı anlamağa kömək edə bilər.

“Onu gənc ziyarətçinin tapması isə göstərir ki, tarix bəzən elə ayağımızın altında gözləyir və diqqətlə baxan hər kəsi təəccübləndirməyə hazırdır”, – deyə Mazovetski vilayətinin abidələrin mühafizəsi üzrə konservatorunun səhifəsində qeyd olunub.

Samir