1- Kredit faizlərini müqayisə edin

Ev alarkən evin məbləği ilə birlikdə kredit faizləri də önəmli faktordur. Bu səbəbdən kredit faizlərini müqayisə etmək və uyğun kredit seçmək vacibdir. Banklar tərəfindən təklif olunan faiz dərəcələri sabit və ya dəyişən ola bilər. Ona görə də bu amillər nəzərə alınmalıdır. Aylıq ödənişlərin təmini üçün sabit faiz daha yaxşıdır. Dəyişən faizlər isə müxtəlif faktorlardan təsirlənə bilər. Kredit faizi təklifinin şərtləri də müqayisə edilməlidir. Bunlara faiz dərəcəsi, ödəmə müddəti, ödəniş intervalları və digər kredit şərtləri daxildir. Kreditin ödənilməsi qrafiki də müqayisə edilməlidir. Ödəniş cədvəlinə ödənişlərin nə vaxt ediləcəyi, ödəniş məbləğləri və ümumi geri qaytarılma məbləği daxildir. İpoteka kalkulyatoru istifadə edərək aylıq ipoteka üçün ödəyəcəyiniz məbləğləri öyrənə bilərsiniz.

2- Yaxında olan xidmətlərə diqqət yetirin

Ev alərkən yaxınlardakı xidmətlər, ev sahibi üçün çox mühüm bir faktordur. Yaxınlarda olan mərkəzlər, günlük həyatımızdakı ehtiyacları təmin etmək üçün önəmli bir rol oynayır. 

• Market və Alış-Veriş Mərkəzləri
  Yaxınlarda olan market və alış-veriş mərkəzləri, günlük məhsul təchizatının və digər əşyaların almaq üçün vacib faktordur. 
• Tibb Xidmətləri
  Ev alarkən, yaxınlarda olan bir xəstəxana, aptek tibbi probleminiz yaranan zaman həll etmək üçün əhəmiyyətli bir faktordur. 
• Təhsil Xidmətləri
  Yaxınlarda olan məktəblər, bağça, kurslar olması əsas faktorlardan biridir. 
• İdman və Əyləncə Mərkəzləri
  Yaxınlarda olan idman və əyləncə mərkəzləri, qapalı və açıq idman sahələri, tətil və əyləncə mərkəzləri, kafe və restoranlar kimi bir çox seçimlərin olması önəmlidir.

3- Nəqliyyat cəhətdən rahatlığına diqqət yetirin

Nəqliyyat xidmətlərinə olan yaxınlıq, iş yerinə yaxınlıq və ya digər məkanlara daha çatmaq üçün lazım olan müddəti azaltır. Bu da sizin günlük həyatınızda zaman və enerji qazanmağa kömək edir. Mənzilin ətrafında olan infrastruktur da əhəmiyyətli bir faktordur.

4- Evin vəziyyətini yoxlayın

Alacağınız evin vəziyyətini yoxlamaqla yanaşı, həmin binada yaşayanlardan fikir almaq faydalıdır. Mənzildə bəzi çətinliklər və ya ümumiyyətlə mənzillə bağlı problemlər ola bilər. Bu barədə öyrənmək üçün qonşulardan da soruşa bilərsiniz.

5- Rütubət və evin istiqaməti

Nəmlik, yeni ev sahibləri üçün bir ev alarkən nələrə diqqət etmələri ilə bağlı mühim məsələdir. Evdə rütubətin olmadığına əmin olmaq və bunun mütəxəssis tərəfindən yoxlanılması gələcəkdə yüksək xərclərin qarşısını ala bilər. Lakin bəzi evlərdə ev təzə rənglənibsə, rütubət bu şəkildə gizlənə bilər və uzun müddət hiss olunmur.
Digər problemli məsələ evin istiqamət seçimidir. Şimal və cənuba baxan evlər arasında istilik fərqli ola bilər. Şimala baxan evlər daha sərin və qaranlıq olur, çünki onlar çox işıq almırlar. Ancaq cənuba baxan evlər günəşli havada daha isti olur. Evin yerləşdiyi yerin iqlimini nəzərə alaraq seçim edə bilərsiniz.

6- Evin dəyəri

Bəyəndiyiniz ev üçün tələb olunan qiymətin evin bazar dəyərindən qat-qat yüksək olduğunu düşünürsünüzsə, evin dəyərinə uyğun bir qiymətin tələb edilib-edilmədiyini yoxlamaq lazımdır. Bunun üçün eyni yerdə eyni kvadrat metr sahəsi və otaq sayı olan evlərdən yararlana bilərsiniz. Həmin ərazidə satılan evlərin qiymətlərinin ortalamasını ala bilərsiniz və ya kirayə qiymətlərini 215-ə vuraraq təxmini dəyər əldə edə bilərsiniz. Əgər sizdən bu əməliyyatlar nəticəsində əldə etdiyiniz orta dəyərdən çox yüksək qiymət istənilirsə, bunun səbəblərini araşdırmalısınız.

7- Çoxlu araşdırma edin

Büdcənizə və istəklərinizə uyğun olaraq çoxlu sayda evlər mövcud ola bilər. Sizə olan ən uyğun evi tapmaq üçün ev elanları saytı kimi resurslara daxil ola bilərsiniz.