Rusiyalı teleaparıcı Roza Syabitova "Passion" portalı ilə söhbətində böyük yaş fərqi olan münasibətləri dəstəkləmədiyini etiraf edib.

HİT.az-ın məlumatına görə, Syabitova qeyd edib ki, ər-arvad arasında yaş fərqi 40 və daha çox olarsa, nəsil fərqi səbəbindən onların danışmağa heç nə qalmayacaq. 

O, böyüklər və gənclər arasında belə anlaşılmazlıqları normal və təbii adlandırıb. 63 yaşlı aparıcı müasir gəncləri heç də həmişə başa düşmədiyini etiraf edib. Teleaparıcı gənc qızların niyə yaşlı kişilərlə münasibət qurduğunu anlamır.

"Mənim 20 yaşlı gənc qıza bir sualım var - niyə ona yaşlı kişi lazımdır? Qocalarla yatmaq asan deyil, biz qocalar da qocalarla yatmaq istəmirik. Amma biz cavanlara toxunmuruq, çünki mən oğlumun yaşında olan insanlarla yatmıram, bu, əxlaqsızlıqdır", deyə aparıcı qeyd edib.

Syabitova onu da bildirib ki, onun nəsli indiki gənclərdən daha "sərin" olub.

Samir