Bütün peşəkar astroloqlar və mistiklərə tez-tez eyni sual verilir: “Xoşbəxtlik ulduzlarda yazılıbmı?”. Cavab dərin və müxtəlif yanaşmalara görə mürəkkəb olsa da, xoşbəxtlik vədinin insanın doğum izində özünü göstərdiyi iddia edilir.
Numerologiyaya görə, doğum günü insan ruhunun planı və ya müqəddəs kodu kimi çıxış edir və bu həyatdakı imkanları açır. İl və ay göstəriciləri də vacib olsa da, doğum gününün rəqəmləri daha “taleyüklü” hesab edilir.
HİT.az xəbər verir ki, bu barədə “Parade” yazır.
Aşağıda ekspertlərin fikrincə, təbii şəkildə xoşbəxtliyi cəlb edən dörd doğum tarixi təqdim olunur.
Xoşbəxtliyi cəlb edən doğum tarixləri
Ay nəzərə alınmır, yalnız gün əsas götürülür.
29-cu gün doğulanlar: şəxsi xoşbəxtlik
Xoşbəxtlikdən daha şəxsi bir anlayış yoxdur və siz ona çatmaq üçün doğulmusunuz. Numerologiyada 29 rəqəmi xüsusi hesab edilir. Ayın son günlərinə yaxın olduğu üçün bu rəqəm insan ruhunun tamamlanma vəziyyətinə çatmasını simvolizə edir.
Siz dünyəvi uğur, münasibətlər və ya təcrübələrin arxasınca qaçmaq üçün deyil, daha çox daxili dərinlik və müdriklik üçün bu həyadasınız. 29 rəqəmi 11-ə qədər sadələşir və bu da maariflənmə və mənəvi dərinliklə əlaqələndirilən “usta rəqəm” sayılır.
Daha sonra 2-yə çevrilərək Ay enerjisinin ən saf forması ilə əlaqə yaradır və bu, emosional dərinlik və daxili harmoniya sayəsində şəxsi xoşbəxtliyə çatmaq qabiliyyətini göstərir.
3-cü gün doğulanlar: karmatik xoşbəxtlik
Əgər ayın 3-də doğulmusunuzsa, bu, Yupiterin ən saf numeroloji təsiri ilə əlaqələndirilir. Yupiter bolluq və uğur planeti hesab olunur. Keçmiş həyatlardakı müsbət hərəkətlərin nəticəsi olaraq sizdə “karmatik balans” formalaşıb.
Bu, sizə optimist baxış və “düz zamanda, düz yerdə olmaq” qabiliyyəti verir. Güclü təsəvvür gücünüz həyatınızı formalaşdırmağa kömək edir. İlhamverici xarakteriniz sayəsində sizə mentorlar və təsirli insanlar cəlb oluna bilər.
15-ci gün doğulanlar: sevgi və ailədə xoşbəxtlik
Bu tarixdə doğulan insanlar əsasən uzunmüddətli münasibətlər qurmaq üçün doğulmuş sayılır. 15 rəqəmi 6-ya qədər azalır və bu rəqəm Venera ilə, yəni münasibətlər və sevgi planeti ilə əlaqələndirilir.
Siz asanlıqla dostlar və tərəfdaşlar cəlb edə bilərsiniz və münasibətlərdə sadiqliyi qorumağa meyllisiniz. Lakin burada əsas məqam öz sərhədlərinizə hörmət etmək və lazım gəldikdə geri çəkilməyi bacarmaqdır.
23-cü gün doğulanlar: xoşbəxtlik təcrübədədir
Sizin üçün xoşbəxtlik müxtəlif təcrübələrdədir. 23 rəqəmi 5-ə qədər azalır və bu rəqəm Merkuri ilə, yəni hərəkət və ünsiyyət planeti ilə bağlıdır.
Siz yeni təcrübələr toplamağa meyllisiniz və həyat sizə bu imkanları tez-tez təqdim edir. Ünsiyyət qabiliyyətiniz və çevik düşüncə tərziniz sizin əsas üstünlüklərinizdəndir. Yazı və ya yaradıcı ifadə sahələrində uğur qazana bilərsiniz.
Qeyd: Astrologiya, tarot, numerologiya, xiromantika, ekstrasenslik və digər oxşar praktikalar elmi disiplin hesab olunmur. Onlar qədim ənənələrə, inanclara və elmi tədqiqatlarla təsdiqlənməmiş şərhlərə əsaslanır. Bu metodlar akademik elmi dairələrdə tanınmır və belə mövzular üzrə materiallar çox vaxt əyləncə xarakteri daşıyır. Onları qərarların verilməsi və ya planların qurulması üçün etibarlı vasitə kimi qəbul etmək tövsiyə edilmir. Psixologiya və ya sağlamlıqla bağlı məsələlərdə hər zaman elmi mütəxəssislərə müraciət etmək lazımdır.
Samir
