Bəzi insanlar ilk baxışdan soyuq, uzaq və emosional baxımdan əlçatmaz təsir bağışlaya bilər. Onlar hisslərini sözlərlə ifadə etməyə, yaxınlarına tez-tez zəng etməyə və sevgilərini nümayiş etdirməyə meylli olmurlar. Lakin numerologiyaya görə, belə insanların qayğısı daha çox davranışlarında özünü göstərir.

HİT.az xəbər verir ki, bu barədə "The Times of India" yazır.

Qeyd edək ki, numerologiya elmi əsaslara söykənmir və bu cür yanaşmalar daha çox əyləncə xarakteri daşıyır.

4 rəqəmi ilə əlaqələndirilən insanlar – ayın 4, 13, 22 və 31-də doğulanlar – adətən təmkinli, məsuliyyətli və emosiyalarını ehtiyatla göstərən şəxslər kimi təqdim olunur. Onlar hisslərini çox danışmaq əvəzinə, çətin vəziyyətdə yaxınlarının yanında olmaqla nümayiş etdirirlər.

7 rəqəmi ilə əlaqələndirilənlər isə ayın 7, 16 və 25-də doğulanlardır. Bu insanların daha çox öz dünyalarına qapıldığı və tək qalmağa üstünlük verdiyi bildirilir. Bu səbəbdən onlar bəzən soyuq görünə bilərlər. Lakin kiməsə bağlandıqda həmin insana güclü şəkildə bağlı olduqları və səssiz şəkildə qayğı göstərdikləri düşünülür.

8 rəqəmi ilə əlaqələndirilənlər – ayın 8, 17 və 26-da doğulanlar – məsuliyyətli və dözümlü xarakterlə əlaqələndirilir. Onlar ciddi və məsafəli təsir bağışlasa da, sevdiklərinə qarşı sadiq olduqları, hisslərini isə sözlərdən çox əməllərlə göstərdikləri iddia edilir.

Numerologiyanın əsas fikrinə görə, bu insanlar sevgilərini nümayiş etdirməkdənsə, onu konkret hərəkətlərlə göstərirlər. Yaxınlarına çətin günlərdə dəstək olmaq, kömək etmək və səssiz şəkildə yanında dayanmaq onların qayğı ifadə etmə üsulu hesab olunur.

Beləliklə, bu yanaşmaya görə, həqiqi qayğı həmişə sözlərlə ifadə olunmur – bəzən insanın davranışları onun hisslərindən daha çox şey deyir.

Samir