Astrologiya və numerologiyaya görə, doğum ayı insanın həyatında müəyyən dövrlərə və yeni imkanlardan yararlanma ehtimalına təsir göstərə bilər. 

HİT.az xəbər verir ki, "Parade" jurnalının yazdığına görə, yayın sonu dörd ayda doğulanlar üçün əlverişli olacaq.

Mart

Mart ayında doğulanlar Balıqlar və Qoç bürcləri arasında bölünür. Buna görə də qarşıdakı dəyişikliklərin xarakteri doğum tarixindən asılı olacaq.

Balıqlar üçün yayın sonu hələ 2024-cü ildə başlayan mühüm proseslərin davamı olacaq. Bu dövr əvvəlcə qeyri-adi görünə biləcək böyük dəyişikliklər gətirə bilər. Lakin nəticədə bu dəyişikliklər insanlara öz yollarını daha yaxşı anlamağa və baş verənlərin onları doğru istiqamətə apardığını hiss etməyə kömək edə bilər.

Qoçlara isə Yupiter romantika, yaradıcılıq və özünüifadə sektorundan keçərək uğur gətirəcək. Avqustun 31-də Yupiter və Saturn arasındakı harmonik aspekt nikbinliyi artıracaq və təsiri bir neçə ay davam edə biləcək imkanlar yaradacaq.

Avqust

Avqust ayında doğulanlar da Şir və Qız bürclərinə bölünür.

Şirlər üçün Yupiter özünüifadə, populyarlıq və şəxsi inkişafla bağlı yeni imkanlar yaratmaqda davam edəcək. Avqustun 31-də Yupiterin Saturnla harmonik əlaqəsi onları adət etdikləri rahatlıq zonasından çıxmağa sövq edə bilər. Cəsarətli addımlar gələcək uğur və tanınma üçün möhkəm təməl yarada bilər.

Qızlar üçün isə öz bürclərinin mövsümü ən mühüm arzulara yaxınlaşmaq imkanı yaradacaq. Avqustun 22-dən sentyabrın 22-dək Günəş özünəinamı artıracaq. Qızı idarə edən Merkuri isə avqustun 25-dən sentyabrın 10-dək bu bürcdə olacaq.

Bu dövr məqsədlər barədə daha fəal danışmaq, təşəbbüs göstərmək və ideyaları konkret planlara çevirmək üçün əlverişli hesab olunur.

Sentyabr

Sentyabr ayında doğulanları xüsusilə zəngin dövr gözləyir. Onlar Qız və Tərəzi bürclərinə aiddirlər.

Qızlar üçün yayın sonu həm doğum günlərinə, həm də Günəşin onların bürcündə olmasına təsadüf edəcək. Avqustun 25-dən sentyabrın 10-dək Merkuri intellektual fəallığı, ünsiyyəti və qarşıya qoyulan məqsədlərə çatmaq bacarığını gücləndirəcək.

Sentyabrın 10-da Qız bürcündə baş verəcək yeni ay isə yeni başlanğıclarla əlaqələndirilir.

Tərəzilər sentyabrın 10-dək onların bürcündə olacaq Veneranın təsirini hiss edəcəklər. Bu, münasibətlərdə harmoniyanı gücləndirə, ünsiyyətə rahatlıq gətirə və xoş hadisələrin baş verməsinə şərait yarada bilər. Sentyabrın 10-dan sonra Merkuri Tərəzilərə ünsiyyətdə dəstək olacaq və istəklərini daha inamlı ifadə etməyə kömək edəcək.

Oktyabr

Oktyabr ayında doğulanlar üçün də bu dövr perspektivli hesab olunur. Onlar Tərəzi və Əqrəb bürclərinə aiddirlər.

Yupiter Şir bürcünə keçdikdən sonra Tərəzilərdə dostluq, ünsiyyət və yeni əlaqələr sahəsini, Əqrəblərdə isə karyera sektorunu aktivləşdirəcək.

Bu səbəbdən hər iki bürcün nümayəndələri gələcəklərinə əhəmiyyətli təsir göstərə biləcək uzunmüddətli imkanlarla qarşılaşa bilərlər.

Avqustun 31-də Yupiter və Saturnun harmonik qarşılıqlı təsiri perspektivli ideyaları daha sabit planlara çevirməyə kömək edəcək. Sentyabrın 10-dək Tərəzilərə onların bürcündə olan Venera da əlavə dəstək göstərəcək.

Əqrəblər isə Veneranın sentyabrın 10-da onların bürcünə keçməsindən sonra bu planetin təsirini hiss edəcəklər. Bu dövr daha çox cəlbedicilik, zövq və daxili rahatlıq vəd edir.

Samir