İranda yoluxmalar yenidən niyə artır?

DÜNYA
13:04 / 11.06.2020
1273

İranda son həftələrdə koronavirusa yoluxma hallarınına artım tempi yenidən sürətlənib.

“Qafqazinfo” xəbər verir ki, İranın rəsmi statiskalarına əsasən ölkədə iyun ayının ilk həftəsində koronavirusa yoluxma hallarının sayı əvvəlki həftənin göstəricilərinə nisbətən 50 faiz artıb. İyunun 4-də isə 3 574 yeni yoluxma faktının aşkarlanması ilə gündəlik yoluxma sayında rekord olub. Daha əvvəl ən yüksək göstərici 30 mart tarixində (3 186 yoluxma) qeydə alınıb.

Bu artım İranda koronavirusun ikinci dalğasının yarana biləcəyi ilə bağlı narahatlıq doğurub. Lakin rəsmilər yoluxma hallarının artmasını gündəlik aparılan test sayının artması ilə əsaslandırırlar. Ancaq aparılan test sayı və yoluxma hallarının sayının nisbətinə baxıldıqda 11 %-dən 14 %-dək artım müşahidə olunur.

Mütəxəssislər yoluxma hallarının artmasını karantin məhdudiyyətlərinin götürülməsi və insanların sosial məsafə qaydalarına biganə yanaşması ilə əlaqələnirirlər.

“İnsanlar bu xəstəliyə tamamilə biganə yanaşmağa başlayıb. Əgər qaydalara riayət edə bilməsək, özümüzü ən pis ehtimala hazırlamalıyıq”,- deyə İranın Səhiyyə Naziri Səid Nəmaki bildirib.

İran Prezidenti Həsən Ruhani isə vəziyyət ağırlaşacağı təqdirdə məhdudiyyətlərin bərpa ediləcəyini açıqlayıb.

0